நான்காவது முறையாக Ontario மாகாண முதல்வர் பதவிக்கு போட்டியிட உள்ளதாக Doug Ford தெரிவித்தார்.
Ontario மாகாண Progressive Conservative கட்சி மாநாடு கடந்த வார விடுமுறையில் Toronto நகரில் நடைபெற்றது.
சனிக்கிழமை (31) இரவு அங்கு உரையாற்றிய Doug Ford, முதல்வர் பதவிக்கு தொடர்ந்து நான்காவது முறையாக போட்டியிட விரும்புவதாக அறிவித்தார்.
சுமார் 1,000 பேர் மத்தியில் உரையாற்றிய அவர், முதல்வர் பதவிக்கு மீண்டும் போட்டியிடும் தனது விருப்பத்தை தெரிவித்தார்.
தனது உரையில் அமெரிக்க ஜனாதிபதியை எதிர்த்து நிற்கும் தனது திறனை Doug Ford புகழ்ந்துரைத்தார்.
மேலும் தனது கட்சி ஒருபோதும் வரியை அதிகரித்ததில்லை எனவும் அவர் கூறினார்.
ஆரம்பத்தில் ஊடகவியலாளர்கள் இந்த மாநாட்டில் கலந்து கொள்ள தடை விதிக்கப்பட்டது.
ஆனாலும் கணிசமான விமர்சனத்தை தொடர்ந்து, கட்சி தனது நிலைப்பாட்டை மாற்றி, முதல்வரின் உரைக்காக பத்திரிகையாளர்களை அனுமதித்தது.
இருப்பினும், இந்த மாநாட்டின் பெரும்பகுதி மூடிய கதவுகளுக்குள் நடைபெற்று முடிந்தது.,
கடந்த மூன்று தேர்தல்களிலும் Doug Ford பெரும்பான்மையைப் பெற்றுள்ள நிலையில் நான்காவது முறையாகவும் அவர் மாகாண முதல்வர் பதவிக்கு போட்டியிட உள்ளதாக அறிவித்துள்ளது இங்கு குறிப்பிடத்தக்கது.
2018, 2022, 2025 தேர்தல்களில் முறையே 76, 83, 80 ஆசனங்களை அவரது தலைமையிலான Progressive Conservative கட்சி பெற்றிருந்தது.
1971 முதல் 1985 வரை முதல்வராக இருந்த Bill Davis தொடர்ச்சியாக நான்கு முறை வெற்றி பெற்ற கடைசி Ontario Conservative தலைவர் ஆவார்.
