முன்னாள் நாடாளுமன்ற உறுப்பினர், அமைச்சர் Kirsty Duncan காலமானார்.
Libéral நாடாளுமன்ற உறுப்பினர் Kevin Lamoureux இவரது மரணத்தை சட்டமன்றத்தில் திங்கட்கிழமை (26) அறிவித்தார்.
இதனை தொடர்ந்து அவருக்கு அஞ்சலி செலுத்தும் வகையில் நாடாளுமன்ற உறுப்பினர்கள் ஒரு நிமிட மௌன அஞ்சலி செலுத்தினர்.
59 வயதான இவர், புற்றுநோய்க்கு சிகிச்சை பெற்று வந்தார்.
2023-ஆம் ஆண்டு புற்றுநோய் கண்டறியப்பட்டதிலிருந்து, Kirsty Duncan தனது சிகிச்சைகளை பகிரங்கப்படுத்தி இருந்தார்.
October 31 1966-இல் பிறந்த இவர், 2008 முதல் 2025 வரையிலான காலத்தில் Toronto-வின் Etobicoke வடக்கு தொகுதியிலிருந்து Liberal நாடாளுமன்ற உறுப்பினராக 5 முறை தேர்ந்தெடுக்கப்பட்டார்.
கடந்த வருடம் நடைபெற்ற தேர்தலில் அவர் போட்டியிடவில்லை.
முன்னாள் பிரதமர் Justin Trudeau தலைமையில், 2015 முதல் 2019 வரை அறிவியல் அமைச்சராக பணியாற்றினார்.
பின்னர் 2018 முதல் 2019 வரை விளையாட்டுத் துறை அமைச்சராகவும் இருந்தார்.
2018-ஆம் ஆண்டில் சிறிது காலம் அவர் மாற்றுத்திறனாளிகளுக்கான அமைச்சராகவும் பணியாற்றினார்.
2019 தேர்தலின் பின்னர் துணை அரசாங்க அவைத் தலைவரான அவர், 2021 வரை அந்தப் பொறுப்பில் இருந்தார்.
அவரது மரணச் செய்தியை தொடர்ந்து அவருக்கு அஞ்சலி செலுத்தப்பட்டு வருகிறது.
பிரதமர் Mark Carney, முன்னாள் பிரதமர் Justin Trudeau, Ontario முதல்வர் Doug Ford உள்ளிட்ட பலரும் அவருக்கு அஞ்சலி செலுத்தி வருகின்றனர்.
