கனடிய பிரதமர் சனிக்கிழமை (17) Qatar சென்றடைந்தார்.
பிரதமர் Mark Carney இரண்டு நாட்கள் அங்கு வணிக, அரசாங்கத் தலைவர்களை சந்திக்கவுள்ளார்.
பதவியில் இருக்கும் கனடிய பிரதமர் ஒருவர் Qatar பயணிப்பது இதுவே முதல் முறையாகும்.
இருதரப்பு உறவுகளை மேம்படுத்தவும் வணிக முதலீட்டை அதிகரிக்கவும் இந்த பயணம் வழிசமைக்கும் என பிரதமர் அலுவலகம் தெரிவித்தது.
இராஜதந்திர, பாதுகாப்புத் துறைகளில் முக்கியமான கூட்டாளியாக அமையும் நாட்டுடன் உறவுகளை வலுப்படுத்துவது இந்த பயணத்தின் நோக்கமாகும் என மூத்த அரசாங்க அதிகாரி ஒருவர் தெரிவித்தார்.
கடந்த ஆண்டு பிரதமராக தேர்ந்தெடுக்கப்பட்டதிலிருந்து, அதிக வெளிநாட்டு முதலீட்டை ஈர்க்க பிரதமர் Mark Carney பல நாடுகளுக்கு பயணம் மேற்கொண்டு வருகிறார்.
முன்னதாக இந்த வாரம் சீனாவுக்கு அரசு முறை பயணம் மேற்கொண்ட Mark Carney, அங்கு சீன அரசாங்கத்துடன் tariffs கட்டணங்கள் குறித்த ஒப்பந்தம் ஒன்றை எட்டியிருந்தார் என்பது குறிப்பிடத்தக்கது.
