Quebec முதல்வர் François Legault பதவி விலகினார்.
புதன்கிழமை (14) காலை தனது பதவி விலகல் முடிவை அவர் அறிவித்தார்.
“தனது கட்சியின் நலனுக்காகவும் Quebec மாகாணத்தின் நலனுக்காகவும்” தான் இந்த முடிவை எடுத்துள்ளதாக François Legault கூறினார்.
கட்சிக்கு புதிய தலைவர் தேர்ந்தெடுக்கப்படும் வரை தனது பதவியில் நீடிக்க அவர் முடிவு செய்துள்ளார்.
François Legault பதவி விலக வேண்டும் என அவரது கட்சி சட்டமன்ற உறுப்பினர்கள் விரும்புவதாக செய்திகள் வெளியான போதிலும் பதவியில் நீடிக்கவுள்ளதாக கடந்த மாதம் அவர் வலியுறுத்தி இருந்தார்.
அவரது Coalition Avenir Québec (CAQ) அரசாங்கம் அண்மையை கருத்துக் கணிப்புகளில் பெரும் பின்னடைவை எதிர்கொள்கிறது.
November மாதம் நடைபெறும் அடுத்த தேர்தலில் CAQ கட்சி அனைத்து தொகுதிகளையும் இழக்க நேரிடும் என சிலர் கணித்துள்ள நிலையில் இந்த பதவி விலகல் அறிவித்தல் வெளியானது.அண்மைய மாதங்களில் CAQ அரசாங்கம் கடுமையான பின்னடைவை சந்தித்துள்ளது.
மாகாண மருத்துவர்களுக்கு ஊதியம் வழங்கும் முறையை மாற்றும் சட்டம், வாகன காப்பீட்டு வாரியத்தின் $500 மில்லியன் digital மாற்றம் குறித்த ஊழல் ஆகியவற்றால் இந்தப் பின்னடைவு எதிர் கொள்ளப்படுகிறது.
முன்னாள் சமூக சேவை அமைச்சர் Lionel Carmant அண்மையில் கட்சியை விட்டு வெளியேறினார்.
சுகாதார அமைச்சர் Christian Dubé பதவி விலகினார்.
2025-ஆம் ஆண்டில் ஆறு சட்டமன்ற உறுப்பினர்கள் கட்சியை விட்டு வெளியேறினர்.
François Legault தலைமையிலான Coalition Avenir Québec அரசாங்கம் கடந்த ஏழு ஆண்டுகளில் இரண்டு பெரும்பான்மை அரசாங்கங்களை உருவாக்கியது.
