ஆயிரக்கணக்கான பொது, தனியார் துறை ஊழியர்கள் அடுத்த வாரம் முதல் மீண்டும் அலுவலகத்திலிருந்து பணிபுரிய ஆரம்பிக்கவுள்ளனர்.
Alberta, Ontario மாகாண அரசு ஊழியர்கள் இந்த ஆண்டு முழுநேரமாக அலுவலகத்திலிருந்து பணிபுரிய ஆரம்பிக்கவுள்ளனர்.
January 5-ஆம் திகதி முதல், Ontario மாகாண அரசு ஊழியர்கள் வாரத்தில் ஐந்து நாட்கள் அலுவலகத்தில் பணிபுரிய வேண்டும் என எதிர்பார்க்கப்படுகிறது.
Alberta மாகாண பொது சேவை ஊழியர்கள் February மாதம் முதல் முழுநேரமாக அலுவலகப் பணிக்கு திரும்புகின்றனர்.
ஒத்துழைப்பு, பொறுப்புக்கூறல், சேவை வழங்கலை வலுப்படுத்த இந்த நகர்வு முன்னெடுக்கப்படுவதாக Alberta அரசாங்கத்தின் செய்தித் தொடர்பாளர் கூறினார்.
இதேவேளை Manitoba, British Columbia, New Brunswick உள்ளிட்ட பல மாகாணங்கள் தொடர்ந்தும் வீட்டில் இருந்து வேலை செய்யும் நடைமுறையை தொடரவுள்ளன.
மேலும் சில மாகாணங்கள் இந்த விடயத்தில் தங்கள் கொள்கைகளை மதிப்பாய்வு செய்து வருகின்றன.
தமது வீட்டில் இருந்து வேலை செய்யும் கொள்கையைப் பரிசீலித்து வருவதாக Newfoundland and Labrador அரசாங்கத்தின் செய்தித் தொடர்பாளர் கூறினார்.
தமது வீட்டில் இருந்து வேலை செய்யும் பணி கொள்கையையும் பரிசீலித்து வருவதாக Northwest Territories அரசாங்க பேச்சாளர் தெரிவித்தாலும், வாரத்தில் ஐந்து நாட்களும் ஊழியர்கள் பணியிடத்திற்கு திரும்ப வேண்டும் என கட்டாயப்படுத்தும் திட்டங்கள் எதுவும் தம்வசம் இல்லை என் உறுதிப்படுத்தினார்.
BMO, Scotiabank, RBC உள்ளிட்ட பல வங்கிகள் ஏற்கனவே தங்கள் ஊழியர்களிடம் வாரத்திற்கு நான்கு நாட்கள அலுவலகத்தில் இருந்து பணிபுரிய வேண்டும் என கூறியுள்ளன.
January 2-ஆம் திகதி முதல் Amazon தனது நிறுவன ஊழியர்கள் வாரத்தில் ஐந்து நாட்கள் அலுவலகத்தில் இருந்து பணியாற்ற வேண்டும் என கட்டாயப்படுத்துகிறது.
ஏனைய தனியார் துறை நிறுவனங்களும் இந்த விடயத்தில் தங்கள் கொள்கைகளில் மாற்றங்களைச் செய்து வருகின்றன.
Bell கனடாவும் வாரத்தில் மூன்று நாள் வரை தனது ஊழியர்கள் அலுவலகத்தில் இருந்து பணியாயிற்ற வேண்டும் என வலியுறுத்தியுள்ளது.
இந்த நிலையில் மத்திய அரசு ஊழியர்கள் எப்போது தங்கள் அலுவலகத்தில் முழு நேரமாக பணிபுரிய ஆரம்பிக்க வேண்டும் என்பது இன்னும் தெளிவாகத் தெரியவில்லை.
பொதுத்துறை ஊழியர்களின் தொழிற்சங்கங்களுடன் இந்த நடைமுறைகள் குறித்து பேச்சுவார்த்தை நடத்தப்படும் என பிரதமர் Mark Carney அண்மையில் கூறியிருந்தார்.
LJI Reporter ரம்யா சேது
