கனடிய நகரங்கள் பலவற்றில் பொதுப் போக்குவரத்து கட்டணங்கள் அதிகரித்து வருகின்றது.
Ontario மாகாணத்தின் Durham பிராந்தியத்திலும், Quebec மாகாணத்தின் Gatineau நகரிலும் இந்த மாத ஆரம்பத்தில் இருந்து பொது போக்குவரத்து கட்டணம் $4.75 ஆக அதிகரித்தது.
December மாத ஆரம்பத்தில் Calgary நகரம் ஒரு வழிப் பயணத்திற்கான கட்டணத்தை $3.80-திலிருந்து $4 ஆக உயர்த்தியது.
Ottawa நகரம் 10 சதத்தால் கட்டணத்தை அதிகரிக்க ஒப்புதல் அளித்த நிலையில் ஒரு வழிப் பயணத்திற்கான கட்டணம் $4.10 ஆக அதிகரிக்கிறது.
கடந்த ஆண்டில் Edmonton, Victoria, Vancouver ஆகிய நகரங்களில் பொதுப் போக்குவரத்து கட்டணங்கள் அதிகரித்தன.
Edmonton கடந்த February மாதம் பொதுப் போக்குவரத்து கட்டணங்களை $3.50-திலிருந்து $3.75 ஆக உயர்த்தியது.
March மாதத்தில் Victoria பொதுப் போக்குவரத்து கட்டணம் $2.50-திலிருந்து $3 ஆக உயர்ந்தது.
Vancouver நகரில் July மாதத்தில் கட்டணம் $3.20-திலிருந்து $3.35 ஆக அதிகரித்தது.
அதிகரித்து வரும் கட்டணங்கள் போக்குவரத்து அமைப்புகளில் அதிகரித்து வரும் அழுத்தங்களின் பிரதிபலிப்பாகும் என கூறப்படுகிறது.
இந்த நிலையில் பொதுப் போக்குவரத்திற்கு நாம் எவ்வாறு நிதியளிக்கிறோம் என்பதை மறுபரிசீலனை செய்ய வேண்டிய நேரம் இது என சில நிபுணர்கள் கூறுகின்றனர்.
கனடாவின் முக்கிய நகரங்களில் மிகக்குறைந்த அளவாக Halifax நகரில் $3 என்ற நிலையில் பொதுப் போக்குவரத்து கட்டணம் உள்ளது.
கனடாவின் சில சிறிய நகராட்சிகள் பொது போக்குவரத்தை முழுவதுமாக இலவசமாக்கியுள்ளன.
பொது போக்குவரத்து கட்டணங்களை நீக்கிய முதலாவது ஆண்டான 2024-இல், Ontario மாகாணத்தின் Orangeville நகரில் பயணிகளின் எண்ணிக்கை 150 முதல் 160 சதவீதம் வரை அதிகரித்ததாக தெரிவிக்கப்படுகிறது.
17 ஆயிரம் பேர் வசிக்கும் Alberta மாகாணத்தின் Canmore நகரில் 2022-ஆம் ஆண்டு முதல் இலவச போக்குவரத்து நடைமுறையில் இருந்து வருகிறது இங்கு குறிப்பிடத்தக்கது.
LJI Reporter ரம்யா சேது
