Conservative நாடாளுமன்ற உறுப்பினர்களில் மேலும் அதிகமான விரக்தியடைந்தவர்கள் உள்ளனர் என அரசாங்கத்தின் அவைத் தலைவர் Steven MacKinnon கூறினார்.
Markham – Unionville தொகுதி Conservative நாடாளுமன்ற உறுப்பினர் Michael Ma ஆளும் Liberal கட்சியில் இணைவதாக வியாழக்கிழமை (11) அறிவித்தார்.
இந்த அறிவித்தல் வெளியான மறுதினம் அரச அவைத் தலைவரின் கருத்து வெளியானது.
கட்சியின் தலைமையின் மீது “மிகவும் விரக்தியடைந்த” Conservative உறுப்பினர்கள் அதிகமாக இருப்பதாக Steven MacKinnon கூறினார்.
வெள்ளிக்கிழமை (12) காலை Quebec மாகாணத்தின் Gatineau நகரில் நடந்த செய்தியாளர் சந்திப்பின் போது அவரது இந்த கருத்து வெளியானது.
Michael Ma எடுத்த கட்சி மாற்ற முடிவு Liberal அரசாங்கத்திற்கு நாடாளுமன்றத்தில் 171 ஆசனங்களை வழங்குகின்றது.
இது பெரும்பான்மை அரசாங்கத்தை விட ஒரு ஆசனம் குறைவானதாகும்.
November மாதத்திலிருந்து Conservative கட்சியை விட்டு வெளியேறும் மூன்றாவது நாடாளுமன்ற உறுப்பினர் இவராவார்.
இதன் மூலம் Conservative கட்சியின் நாடாளுமன்ற உறுப்பினர்கள் எண்ணிக்கை 142 ஆக குறைந்தது.
வரவு செலவுத் திட்டம் சமர்பிக்கப்பட்ட சில மணிநேரங்களுக்கு பின்னர், Conservative கட்சியின் Nova Scotia நாடாளுமன்ற உறுப்பினர் Chris d’Entremont கட்சி மாறும் முடிவை அறிவித்தார்.
சில தினங்களுக்கு பின்னர் Alberta மாகாண Conservative நாடாளுமன்ற உறுப்பினர் Matt Jeneroux கட்சியின் நாடாளுமன்ற குழுவில் இருந்து விலகுவதாக அறிவித்திருந்தார்.
Calgary-யில் நடைபெறும் கட்சியின் மாநாட்டில் Pierre Poilievre தலைமை மறு ஆய்வு வாக்கெடுப்பை எதிர்கொள்வதற்கு இரண்டு மாதங்களுக்குள் முன்னர் அண்மைய இந்த கட்சி மாற்றம் நிகழ்ந்தது.
January மாதம் நடைபெறும் கட்சி மாநாட்டில் Conservative தலைவர் Pierre Poilievre தலைமைத்துவ மதிப்பாய்வை எதிர்கொள்கிறார்.
கட்சி உறுப்பினர்கள் அவர் தலைவராக நீடிக்க வேண்டுமா இல்லையா என்பதை முடிவு செய்யும்போது, இந்த சமீபத்திய கட்சி மாற்றங்கள் அவருக்கு அழுத்தம் கொடுக்கும் என பெரிதும் எதிர்பார்க்கப்படுகிறது.
LJI Reporter ரம்யா சேது
