Yorkdale வணிக வளாகத்தில் நடந்த கொள்ளை, கத்திக்குத்து சம்பவத்தில் இரண்டு பேர் காயமடைந்தனர்.
வெள்ளிக்கிழமை (12) மாலை இந்த சம்பவம் நிகழ்ந்ததாக Toronto காவல்துறையினர் தெரிவித்தனர்.
இதில் காயமடைந்த இருவரும் வைத்தியசாலையில் அனுமதிக்கப்பட்டுள்ளனர்.
பெண் ஒருவர் கடுமையான ஆனால் உயிருக்கு ஆபத்தற்ற காயங்களுடன் மருத்துவமனைக்கு கொண்டு செல்லப்பட்டதாக காவல்துறையினர் தெரிவித்தனர்.
வெட்டுக் காயங்களுடன் ஆண் ஒருவர் உயிருக்கு ஆபத்தற்ற காயங்களுடன் மருத்துவமனைக்கு கொண்டு செல்லப்பட்டார்.
ஒரு கடையில் நிகழ்ந்த திருட்டு சம்பவம் குறித்து காவல்துறையினர் வணிக வளாகத்திற்கு அழைக்கப்பட்டனர்.
சந்தேக நபர் தப்பிச் செல்கையில் பெண் காயமடைந்ததாகவும், ஆண் ஒருவருக்கு வெட்டு காயம் ஏற்பட்டதாகவும் காவல்துறையினர் தெரிவித்தனர்.
இதில் சந்தேக நபர் பின்னர் கண்டுபிடிக்கப்பட்டு கைது செய்யப்பட்டதாகவும் காவல்துறையினர் தெரிவித்தனர்.
ஆனாலும் இவருக்கு எதிரான குற்றசாட்டுகள் குறித்த விபரங்கள் எதுவும் வெளியாகவில்லை.
இந்த நிலையில் பொதுமக்கள் பாதுகாப்புக்கு எந்த ஆபத்தும் இல்லை என காவல்துறையினர் மேலும் கூறுகின்றனர்.
LJI Reporter ரம்யா சேது
