வரவு செலவுத் திட்டத்தை நிறைவேற்ற Liberal அரசாங்கம் தொடர்ந்து எதிர்க்கட்சிகளிடமிருந்து ஆதரவைத் தேடி வருகிறது.
இந்த வரவு செலவுத் திட்டத்திற்கு NDP ஆதரவாக வாக்களித்தால் அதை நிறைவேற்ற முடியும் என்ற நிலை உள்ளது.
ஆனாலும் NDP அதன் வாக்களிக்கும் திட்டத்தை வெளியிட மறுத்து வருகிறது.
NDP அதன் நாடாளுமன்ற உறுப்பினர்கள் கூட்டத்தை திங்கட்கிழமை காலை முடித்துள்ளது.
இந்த கூட்டத்தில் செலவுத் திட்டம் குறித்த அதன் வாக்களிக்கும் உத்தியை NDP முடிவு செய்துள்ளதாக தெரிவிக்கப்படுகிறது.
ஆனாலும் தமது வாக்களிக்கும் உத்தியை முன்கூட்டியே வெளியிட NDP மறுத்துள்ளது.
திங்கட்கிழமை (17) ஒவ்வொரு நாடாளுமன்ற உறுப்பினரும் வாக்களித்தால், வரவு செலவுத் திட்டத்தை நிறைவேற்றவும், தேர்தலைத் தவிர்க்கவும் பெரும்பான்மைக்கு இரண்டு இடங்கள் குறைவாக உள்ள Liberal அரசாங்கத்திற்கு, எதிர்க்கட்சியின் ஆதரவு தேவையானதாக இருக்கும்.
இந்த வரவு செலவுத் திட்டம் நிறைவேற்றப்படாவிட்டால் கனடியர்கள் மீண்டும் ஒரு தேர்தலை எதிர்கொள்ளும் நிலை தோன்றியுள்ளது.
பல சூழ்நிலைகள் இருந்தாலும், 169 Liberal நாடாளுமன்ற உறுப்பினர்கள் வரவு செலவுத் திட்டத்தை ஆதரிக்க வாக்களித்தால், பிரதமர் Mark Carney அரசாங்கத்திற்கு இரண்டு எதிர்க்கட்சி நாடாளுமன்ற உறுப்பினர்களின் ஆதரவு தேவையாக இருக்கும்.
அல்லது இந்த வரவு செலவுத் திட்டம் நிறைவேற்றப்படுவதற்கு நான்கு எதிர்க்கட்சி நாடாளுமன்ற உறுப்பினர்கள் வாக்களிக்காமல் இருக்க வேண்டும்.
பசுமைக் கட்சி தலைவர் Elizabeth May இந்த வாக்கெடுப்பில் அரசாங்கத்திற்கு ஆதரவாக வாய்களிப்பார் என தெரியவருகிறது.
எங்கள் அனைத்து நாடாளுமன்ற உறுப்பினர்களும் இந்த வரவு செலவுத் திட்டத்திற்கு எதிராக வாக்களிப்பார்கள் என Bloc Quebecois செய்தித் தொடர்பாளர் Joanie Riopel திங்களன்று ஒரு மின்னஞ்சலில் தெரிவித்தார்.
Conservative கட்சி இந்த வரவு செலவுத் திட்டத்தை ஆதரிக்க மாட்டோம் என ஏற்கனவே கூறியுள்ளது.
வரவு செலவுத் திட்டம் மீதான நம்பிக்கை வாக்கெடுப்பு திங்கள் இரவு சபையில் நடைபெறவுள்ளது.
