சிறுபான்மை Liberal அரசின் வரவு செலவுத் திட்டம் நிறைவேற்றப்பட்டு வெற்றி பெற்றது.
இந்த வரவு செலவுத் திட்டம் மீதான நம்பிக்கை வாக்கெடுப்பு திங்கட்கிழமை (17) இரவு நடைபெற்றது.
இந்த வாக்கெடுப்பில் வரவு செலவுத் திட்டத்திற்கு ஆதரவாக 170 வாக்குகள், எதிராக 168 வாக்குகள் பதிவாகின.
இதன் மூலம் பிரதமர் Mark Carney-யின் சிறுபான்மை Liberal அரசாங்கம் மூன்றாவது நம்பிக்கை வாக்கெடுப்பில் இருந்து தப்பியது.
இதன் மூலம் விடுமுறை தேர்தல் ஒன்றும் தவிர்க்கப்பட்டது.
பிரதமர் Mark Carney அரசின் முதலாவது வரவு செலவு திட்டத்தை நிதி அமைச்சர் François-Philippe Champagne இந்த மாத ஆரம்பத்தில் சமர்பித்தார்.
வர்த்தகப் போரை எதிர்கொள்ளும் பொருளாதாரத்திற்கு உதவுவதற்காக Mark Carney-யின் முதலாவது வரவு செலவுத் திட்டம் பில்லியன் கணக்கான நிதியை புதிய செலவினங்களுக்கு ஒதுக்கியது.
பொருளாதார வளர்ச்சியில் கவனம் செலுத்தும் இந்த வரவு செலவுத் திட்டத்தில் 2025-26 ஆம் ஆண்டில் மத்திய அரசின் நிதிப் பற்றாக்குறை $78.3 பில்லியனாக இருக்கும் என கணிக்கப்பட்டுள்ளது.
2026-27 ஆம் ஆண்டில் பற்றாக்குறை $65.4 பில்லியனாக இருக்கும் என கணிக்கப்பட்டுள்ளது.
அடுத்த மூன்று ஆண்டுகளில் பற்றாக்குறை தொடர்ந்து குறைந்து, 2029-30 ஆம் ஆண்டுக்குள் $56.6 பில்லியனாக இருக்கும் என வரவு செலவுத் திட்டம் கணித்துள்ளது.
இந்த வரவு செலவுத் திட்டம் நிறைவேற்றப்படாவிட்டால் கனடியர்கள் மீண்டும் ஒரு தேர்தலை எதிர்கொள்ளும் சாத்திய கூற்றின் மத்தியில் வரவு செலவுத் திட்டம் திங்கள் மாலை வாக்களிப்பில் நிறைவேற்றப்பட்டது.
எதிர்பார்க்கப்பட்டது போல் இந்த வரவு செலவுத் திட்டத்திற்கு எதிராக அநேகமான Conservative, Bloc Quebecois, NDP கட்சி நாடாளுமன்ற உறுப்பினர்கள் வாக்களித்தனர்.
பசுமைக் கட்சி தலைவர் Elizabeth May இந்த வாக்கெடுப்பில் அரசாங்கத்திற்கு ஆதரவாக வாக்களித்தார்.
இந்த வாக்களிப்பில் ஐந்து நாடாளுமன்ற உறுப்பினர்கள் கலந்து கொள்ளவில்லை.
இரண்டு NDP நாடாளுமன்ற உறுப்பினர்களான Lori Idlout, Gord Johns ஆகியோரும் Conservative நாடாளுமன்ற உறுப்பினர்களான Shannon Stubbs , Matt Jeneroux ஆகியோரும் வாக்களிக்கவில்லை.
இந்த மாத ஆரம்பத்தில் தான் பதவி விலகுவதாக Matt Jeneroux அறிவித்திருந்தார்.
இந்த வாக்களிப்பில் சபாநாயகர் Francis Scarpaleggia வாக்களிக்கவில்லை.
வாக்களிப்பு சமமான இருந்தால் தவிர, சபாநாயகர் வழமையாக வாக்களிப்பதில்லை என்பது குறிப்பிடத்தக்கது.
