Ontario மாகாணத்தின் Tariff கட்டண எதிர்ப்பு விளம்பரத்திற்காக கனடிய பிரதமர் அமெரிக்க ஜனாதிபதியிடம் மன்னிப்பு கோரியுள்ளார்.
அமெரிக்க ஜனாதிபதி Donald Trump இந்தத் தகவலை தெரிவித்தார்.
முன்னாள் அமெரிக்க ஜனாதிபதி Ronald Reagan-னின் குரலைக் கொண்ட Ontario அரசின் வரி எதிர்ப்பு விளம்பரம் தொடர்பாக கனடாவுக்கும் அமெரிக்காவுக்கும் இடையில் கருத்து வேறுபாடு தோன்றியது.
இதனால் கனடாவுடனான வர்த்தகப் பேச்சுவார்த்தைகளை திடீரென முடித்துக் கொள்வதாக அறிவித்த அமெரிக்க ஜனாதிபதி Donald Trump, கனடாவுக்கு எதிராக மேலதிகமாக 10 சதவீத வரியை அறிவித்தார்.
இந்த நிலையில் குறித்த வரி எதிர்ப்பு விளம்பரத்திற்காக பிரதமர் Mark Carney மன்னிப்பு கோரியதாக Donald Trump தெரிவித்தார்.
இந்த வாரம் தென் கொரியாவில் நடைபெறும் ஆசிய-Pacific பொருளாதார ஒத்துழைப்பு மன்ற உச்சி மாநாட்டில் கலந்து கொள்ளும் உலகத் தலைவர்கள் மத்தியில் கனடிய பிரதமரும், அமெரிக்க ஜனாதிபதியும் அடங்குகின்றனர்.
அங்கு தென் கொரிய ஜனாதிபதி Lee Jae-Myung வழங்கிய இரவு விருந்தில் பிரதமர் Mark Carney-யும் ஜனாதிபதி Donald Trump-பும் சந்தித்தனர்.
Mark Carney குறிப்பிட்ட விளம்பரத்திற்காக மன்னிப்பு கோரியதாக Donald Trump தெரிவித்த போதிலும், கனடாவுடன் மீண்டும் வர்த்தக பேச்சுகள் ஆரம்பிக்காது என கூறினார்.
