Montreal நகர Starbucks துப்பாக்கிச் சூட்டில் ஒருவர் கொல்லப்பட்டு மேலும் இருவர் காயமடைந்தனர்.
புதன்கிழமை (01) காலை நிகழ்ந்த இந்த துப்பாக்கிச் சூட்டுச் சம்பவம் ஒழுங்கமைக்கப்பட்ட குழு வன்முறை குற்றத்துடன் தொடர்புடையது என அமைச்சர் Ian Lafrenière தெரிவித்தார்.
இந்த துப்பாக்கிச் சூட்டில் மூவர் காயமடைந்ததாக மாகாண காவல்துறையினர் முதலில் தெரிவித்தனர்.
இதில் காயமடைந்த மூன்று பேரில் ஒருவரான 40 வயதுடைய நபர் பின்னர் இறந்துவிட்டதாக காவல்துறை செய்தித் தொடர்பாளர் உறுதிப்படுத்தினார்.
பலியானவரின் அடையாளம் இதுவரை உத்தியோகபூர்வமாக வெளியிடப்படவில்லை.
“Bobby the Greek” என அழைக்கப்படும் Charalambos Theologou என்பவர் பலியானவர் என்ற அறிக்கைகளை காவல்துறையினர் உறுதிப்படுத்தவில்லை.
காயமடைந்த ஏனைய இருவருக்கும் உயிருக்கு ஆபத்தான காயங்கள் எதுவும் ஏற்படவில்லை என தெரிவிக்கப்படுகிறது.
காவல்துறையினரின் விசாரணைகள் தொடரும் நிலையில் இதுவரை கைது எதுவும் மேற்கொள்ளப்படவில்லை.
இதுவரை நிகழ்ந்த விசாரணைகளில் “அனைத்து அறிகுறிகளும்” குறிப்பிட்ட துப்பாக்கிச் சூடு குறிவைக்கப்பட்டு ஒழுங்கமைக்கப்பட்ட குற்றத்துடன் தொடர்புடையது என்பதைக் குறிக்கிறது என மாகாண பொது மக்கள் பாதுகாப்பு அமைச்சர் Ian Lafrenière கூறினார்.
இதில் அப்பாவி பொதுமக்கள் எவரும் காயமடையவில்லை எனவும் அவர் தெரிவித்தார்.
இதில் பாதிக்கப்பட்டவர்களுக்கு அனுதாபங்களைத் தெரிவிப்பதாக Laval நகர முதல்வர் Stéphane Boyer கூறினார்.
