முன்னாள் பிரதமர் Justin Trudeau அமைச்சரவையின் மூத்த அமைச்சர்கள் மூவர் இராஜதந்திர நியமனங்களை பெறவுள்ளதாக தெரியவருகிறது.
Justin Trudeau அமைச்சரவையில் இருந்த முன்னாள் அமைச்சர்களான Bill Blair, David Lametti, Jonathan Wilkinson ஆகிய மூவர் இராஜதந்திர நியமனங்களை பெறவுள்ளதாக தெரியவருகிறது.
Ralph Goodale-க்குப் பதிலாக இங்கிலாந்திற்கான உயர் ஸ்தானிகராக இந்த ஆண்டு முற்பகுதி வரை பாதுகாப்பு அமைச்சராக பணியாற்றிய Bill Blair பொறுப்பேற்க உள்ளார்.
Justin Trudeau அமைச்சரவையில் முன்னாள் நீதி அமைச்சராகவும், தற்போதைய பிரதமர் Mark Carney-யின் முதன்மைச் செயலாளராகவும் உள்ள David Lametti ஒரு இராஜதந்திர பதவியை பெறவுள்ளார்.
ஐக்கிய நாடுகள் சபையின் தூதராக Bob Rae-க்குப் பதிலாக அவர் நியமிக்கப்படலாம் என தெரியவருகிறது.
முன்னாள் எரிசக்தி அமைச்சர் Jonathan Wilkinson-னுக்கு Brussels-சில் ஐரோப்பிய ஒன்றியத்திற்கான தூதராக ஒரு பதவி வழங்கப்பட உள்ளதாகவும் தெரியவருகிறது.
இவர்கள் மூவரும் Justin Trudeau அமைச்சரவையில் மூத்த பதவிகளை வகித்து, மொத்தம் 18 ஆண்டுகள் பணியாற்றினர் என்பது குறிப்பிடத்தக்கது.
முன்னாள் நிதியமைச்சரும் துணைப் பிரதமருமான Chrystia Freeland, உக்ரைனின் மறுசீரமைப்புக்கான கனடாவின் புதிய சிறப்புப் பிரதிநிதியாகப் பணியாற்றுவதற்காக அமைச்சரவையில் இருந்து விலகுவதாக அறிவித்த மறுதினம் இந்தப் பதவி நியமன சாத்தியக்கூறு குறித்த தகவல்கள் வெளியாகியுள்ளன.
