கட்சி தலைவர்களின் பிரெஞ்சு மொழி தேர்தல் விவாதம் நேரம் மாற்றம் செய்யப்பட்டுள்ளது.
பொதுத் தேர்தலுக்கான பிரதான அரசியல் கட்சித் தலைவர்களின் ஆங்கிலம், பிரெஞ்சு மொழி உத்தியோகபூர்வ விவாதங்கள் இந்த வாரம் நடைபெறுகின்றன.
இதில் புதன்கிழமை (16) நடைபெற இருந்த பிரெஞ்சு மொழி விவாதம் முன்னர் திட்டமிடப்பட்டதை விட இரண்டு மணி நேரம் முன்னதாக ஆரம்பிக்கவுள்ளது.
பிரெஞ்சு மொழி தலைவர்களின் விவாதம் Montreal Canadiens hockey அணியின் ஒரு முக்கியமான ஆட்ட நேரத்தில் நிகழ்வதை தவிர்ப்பதற்காக இந்த நேர மாற்ற முன்னெடுக்கப்பட்டது.
இந்த நிலையில் இரவு 8 மணிக்கு ஆரம்பிக்க இருந்த விவாதம் மாலை 6 மணிக்கு ஆரம்பிக்க உள்ளது.
NDP, Bloc Québécois கடசி தலைவர்களின் அழுத்தத்தை அடுத்து இந்த மாற்றம் ஏற்பட்டுள்ளது.
2011 ஆம் ஆண்டில், பிரெஞ்சு மொழி தலைவர்களின் தேர்தல் இதுபோன்ற ஒரு Montreal Canadiens hockey அணியின் ஆட்ட நேரத்தில் நிகழ்வதை தவிர்ப்பதற்காக மாற்றியமைக்கப்பட்டது.
இம்முறை தலைவர்களின் விவாதங்களில் பங்கேற்க ஐந்து முன்னணி அரசியல் கட்சிகள் தகுதி பெற்றுள்ளன.
Liberal தலைவர் Mark Carney, Conservative தலைவர் Pierre Poilievre, NDP தலைவர் Jagmeet Singh, Bloc Quebecois தலைவர் Yves-Francois Blanchet , பசுமைக் கட்சியின் இணைத் தலைவர் Jonathan Pedneault ஆகியோர் இந்த விவாதங்களில் பங்கேற்க தகுதி பெற்றுள்ளனர்.
ஆங்கில மொழி விவாதம் வியாழக்கிழமை (17) நடைபெறவுள்ளன.
இந்த விவாதங்களை தலைவர்கள் விவாத ஆணையம் என்ற சுயாதீன அமைப்பு நடத்துகிறது.
