Conservative நாடாளுமன்ற உறுப்பினர் Michael Chongக்கு எதிரான சீனாவின் பிரச்சாரம் குறித்த ஆய்வை ஆரம்பிக்க ஆதரவாக நாடாளுமன்ற உறுப்பினர்கள் வாக்களித்தனர்.
இதற்கு ஆதரவாக புதன்கிழமை (10) நாடாளுமன்றம் ஒருமனதாக ஒப்புதல் அளித்துள்ளது.
Michael Chong, Hong Kongகில் உள்ள அவரது குடும்பத்தினருக்கு எதிராக கனடாவினால் வெளியேற்றப்பட்ட சீன தூதரினால் திட்டமிடப்பட்ட பிரச்சாரம் குறித்து ஒரு குழு ஆய்வு செய்ய வேண்டும் என நாடாளுமன்ற உறுப்பினர்கள் ஏகமனதாக ஒப்புக் கொண்டனர்.
புதன்கிழமை கேள்வி நேரத்தின் பின்னர் நடைபெற்ற வாக்கெடுப்பில் இந்த பிரேரணை அனைத்துக் கட்சி ஆதரவுடன் நிறைவேற்றப்பட்டது.
இந்த குற்றச்சாட்டின் அடிப்படையில் கனடிய அரசாங்கம் சீன தூதர் Zhao Weiயை வெளியேற்ற இந்த வாரம் முடிவு செய்தது குறிப்பிடத்தக்கது.
