Ontarioவின் குறைந்தபட்ச ஊதியம் இந்த வார இறுதியில் அதிகரிக்கிறது.
October 1 முதல், மாகாண குறைந்தபட்ச ஊதியம் 50 சதத்தினால் அதிகரித்து ஒரு மணிநேரத்திற்கு $15.50 ஆக இருக்கும்.
இந்த 50 சத உயர்வை முதலில் Ontario தொழிலாளர் அமைச்சர் Monte McNaughton கடந்த April மாதம் அறிவித்திருந்தார்.
January 2019 இல் $15.00 ஆக உயர்த்த திட்டமிடப்பட்ட குறைந்தபட்ச ஊதிய உயர்வை 2018 ஆம் ஆண்டில், முதல்வர் Doug Ford இரத்து செய்திருந்தார்.
அதற்கு பதிலாக, மாகாணம் குறைந்தபட்ச ஊதியத்தை ஒரு மணி நேரத்திற்கு 35 சதங்களாக அதிகரித்து $14.35 ஆக்கியது.
பின்னர், January 2022 இல், ஒரு மணி நேரத்திற்கு குறைந்தபட்ச ஊதியம் $15.00 ஆக உயர்த்தப்பட்டது.
October 1 முதல் மாணவர்களின் ஊதியம் 50 சதத்தினால் உயர்த்தப்படும்.
இதன் மூலம் ஒரு மணி நேரத்திற்கு $14.10 ஆக உள்ள குறைந்தபட்ச ஊதியம் $14.60 ஆகிறது.
குறைந்தபட்ச ஊதியம் October 1 ஆம் திகதி ஆண்டுதோறும் அதிகரிக்கும் என மாகாணம் தெரிவிக்கிறது.
