நகரசபைத் தேர்தலில் ஐந்து தமிழர்கள் வெற்றி!

Ontario மாகாணத்தில் நடைபெற்று முடிந்த பல்வேறு நகரசபை தேர்தல்களில் மொத்தம் ஐந்து தமிழர்கள் வெற்றி பெற்றனர்.

திங்கட்கிழமை (26) நடைபெற்ற நகராட்சித் தேர்தலில் குறைந்தது 34 தமிழ் பேசும் வேட்பாளர்கள் போட்டியிட்டனர்.

இதில் பிராந்திய உறுப்பினர், நகர சபை உறுப்பினர்கள், கல்விச் சபை அறங்காவலர் என மொத்தம் ஐந்து தமிழர்கள் வெற்றி பெற்று சாதனை படைத்தனர்.

கனடிய தமிழர் அரசியல் வரலாற்றின் ஒரே நேரத்தில் தமிழர்கள் அதிக எண்ணிக்கையில் வெற்றி பெற்ற தேர்தல் இதுவாகும்.

இதில் நான்கு வேட்பாளர்கள் Toronto நகரிலும், ஒருவர் Ajax நகரிலும் வெற்றிபெற்றார்.

Toronto நகரசபையின் Scarborough-Rouge Park தொகுதியில் நீதன் சான் மீண்டும் நகரசபை உறுப்பினராக வெற்றியடைந்தார்.

தவிரவும் Toronto நகரசபையின் Scarborough Southwest தொகுதியில் பார்த்தி கந்தவேள் மீண்டும் நகரசபை உறுப்பினராக வெற்றியடைந்தார்.

Toronto நகருக்கு வெளியே முதல் தடவையாக Ajax நகரின் இரண்டாவது தொகுதியில் பிராந்திய உறுப்பினர் (Regional Councillor) பதவிக்கு ரஞ்சித் பரணிவாசகம் வெற்றி பெற்றார்.

Toronto கல்விச் சபையின் (TDSB) 12 -ஆம் வட்டாரத்தில் முன்னாள் கல்விச் சபை உறுப்பினர் அனு ஸ்ரீஸ்கந்தராஜா மீண்டும் வெற்றி பெற்றார்.

Toronto கல்விச் சபையின் 11 ஆம் வட்டாரத்தில் ரவிச்சா ரவிந்திரன் முதல் தடவையாக கல்விச் சபை உறுப்பினராக வெற்றி பெற்றார்.