கனடாவில் எந்த சட்ட விதிகளையும் மீறவில்லை என Hamilton நகரின் Stelco நிறுவனத்தின் அமெரிக்கத் தாய் நிறுவனமான Cleveland-Cliffs தெரிவித்துள்ளது.
இந்த நிலையில் தமது வேலை நீக்கங்கள் தொடரும் என Stelco கூறியது.
500 தொழிலாளர்களை பதவி நீக்கும் முடிவை நிறுத்தக் கோரி மத்திய அரசு விதித்த 5 நாட்கள் அவசரக் கெடுவையம் Stelco நிராகரித்துள்ளது.
இந்த விடயத்தில் கனடிய அரசு எங்களை மிரட்ட முடியாது என Stelco நிறுவனத்தின் தலைவர் Paul Simon கூறினார்.
இதில் மத்திய தொழில், வர்த்தகத் துறை அமைச்சர் Mélanie Joly விடுத்த நீதிமன்ற அதிரடி நடவடிக்கை எச்சரிக்கைகளுக்கு அவர் பதிலலித்தார்.
Stelco நிறுவனத்தின் தற்காலிக முடக்கம், வேலை நீக்கங்கள் அரசாங்க ஒப்பந்தத்தை மீறுவதாக அமைச்சர் கூறுவது முற்றிலும் பொய்யானதும் தவறானதுமான வாதமாகும் என Paul Simon தெரிவித்தார்.
கனடாவுக்கு எதிரான அமெரிக்காவின் வரிகளை ஆதரித்துவிட்டு, வேலை நீக்கத்திற்கு இயற்கை மீது பழிபோடக் கூடாது என Stelco நிறுவனத்திற்கு அமைச்சர் Mélanie Joly அண்மையில் கடுமையான எச்சரிக்கை விடுத்திருந்தார் என்பது இங்கு குறிப்பிடத்தக்கது.
