Liberal நாடாளுமன்ற உறுப்பினர் Shaun Chen பதவி விலகுகிறார்.
Scarborough North தொகுதி நாடாளுமன்ற உறுப்பினரான Shaun Chen இந்த வார இறுதியில் பதவி விலகுகிறார்.
சனிக்கிழமை (15) பதவி விலகத் திட்டமிட்டுள்ளதாக அவர் கூறினார்.
கடந்த ஆண்டு நடந்த வாகன விபத்தின் எதிரொலியாக இந்த முடிவை எடுத்துள்ளதாக அவர் தெரிவித்தார்.
“கடுமையான உடல்நலப் பிரச்சினைகளை’ ஏற்படுத்திய வாகன விபத்தை தொடர்ந்து அவர் பதவி விலக உள்ளார்.
வாகன விபத்தால் தொடர்ந்து நீடிக்கும் உடல்நலப் பாதிப்புகளைக் காரணமாகக் குறிப்பிட்டு, நாடாளுமன்ற உறுப்பினர் பதவியில் இருந்து விலகத் திட்டமிட்டுள்ளதாக Shaun Chen தெரிவித்தார்.
2015 முதல் Scarborough North தொகுதியை நாடாளுமன்ற உறுப்பினராக பிரதிநிதித்துவப்படுத்தி வரும் அவர் திங்கட்கிழமை (10) தனது முடிவை சமூக ஊடக அறிக்கையில் வெளியிட்டார்.
2025-ஆம் ஆண்டின் இலையுதிர் காலத்தின் பிற்பகுதியில், தலைநகர் Ottawa-விற்கு பயணம் செய்து கொண்டிருந்தபோது அவர் ஒரு கடுமையான வாகன விபத்தை சந்தித்தார்.
இதனால் ஏற்பட்ட குறிப்பிடத்தக்க உடல்நலப் பிரச்சினைகள் காரணமாக, நாடாளுமன்ற உறுப்பினர் பதவிக்கு தேவையான அளவிற்கு தன்னால் பயணம் செய்ய முடியாத நிலை ஏற்பட்டுள்ளது என திங்களன்று X தளத்தில் வெளியிட்ட அறிக்கையில் அவர் தெரிவித்துள்ளார்.
“எனது குடும்பத்தினருடன் கலந்தாலோசித்த பின்னர், நாடாளுமன்ற உறுப்பினர் பதவியிலிருந்து விலகுவதே சிறந்தது என நான் முடிவு செய்துள்ளேன்,” என Shaun Chen அந்த அறிக்கையில் தெரிவித்துள்ளார்.
Toronto மாவட்ட பாடசாலை வாரியத்தின் உறுப்பினராகவும், தலைவராகவும் பணியாற்றிய பின்னர், நாடாளுமன்ற உறுப்பினராக அவர் தேர்ந்தெடுக்கப்பட்டார்.
அவர் ஆற்றிய பணிக்காக பிரதமர் Mark Carney ஒரு அறிக்கையில் நன்றி தெரிவித்தார்.
இந்தக் கோடையில் தமது பதவியில் இருந்து விலகும் நாடாளுமன்ற உறுப்பினர்களின் பட்டியலில் Shaun Chen பெயரும் புதிதாக இணைந்துள்ளது.
ஏற்கனவே பல இடைத் தேர்தல்களுக்கான அறிவித்தல்கள் நிலுவையில் இந்த பதவி விலகல், மற்றொரு இடைத்தேர்தலை அறிவித்தல் தேவையை ஏற்படுத்தியுள்ளது.
ஏற்கனவே Ontario மாகாணத்தின் Beaches-East York, Quebec மாகாணத்தின் Chicoutimi-Le Fjord, British Columbia மாகாணத்தின் North Vancouver-Capilano ஆகிய தொகுதிகளுக்கு August 31 அன்று மூன்று இடைத் தேர்தல்கள் நடைபெற உள்ளன.
வேறு சில இடைத்தேர்தல்கள் இன்னும் அறிவிக்கப்படவில்லை.
தற்போதைய வெற்றிடமாக உள்ள நாடாளுமன்ற உறுப்பினர்களின் எண்ணிக்கையின் மத்தியில் Mark Carney தலைமையிலான Liberal கட்சி 172 ஆசனங்களுடன் பெரும்பான்மையைக் கொண்டுள்ளது.
நாடாளுமன்ற அமர்வுகள் September 21 அன்று மீண்டும் ஆரம்பிக்கவுள்ளது இங்கு குறிப்பிடத்தக்கது.
