Ontario Liberal கட்சித் தலைமைப் பதவிக்கான போட்டியாளர்கள், தமது முதல் விவாதத்தில் முதல்வர் Doug Ford-டின் பொருளாதாரச் செயல்பாடுகளை விமர்சித்தனர்.
மூன்றாவது இடத்தில் உள்ள கட்சிக்கு தலைமை தாங்குவதற்கான போட்டியில், Ontario Liberal கட்சித் தலைமை வேட்பாளர்கள் தங்கள் முதல் விவாதத்தில் திங்கட்கிழமை (10) பங்கேற்றனர்.
இந்த விவாதத்தில் Doug Ford அரசின் பொருளாதாரச் செயல்பாடுகள் கடும் விமர்சனத்துக்கு உள்ளானது.
அதேவேளை புதிய தலைவருக்கு ஒரு மாகாணசபை ஆசனம் இருக்க வேண்டிய அவசியம் குறித்து தலைமைப் பதவி வேட்பாளர்கள் விவாதித்தனர்.
இறுதியாக கட்சியை தலைமை தாங்கிய இரு தலைவர்களான Steven Del Duca, Bonnie Crombie ஆகியோருக்குச் சட்டமன்றத்தில் ஆசனம் இருக்கவில்லை.
இந்த நிலையில் தலைமை போட்டியில் ஈடுபட்டுள்ள ஐந்து வேட்பாளர்களும் புதிய தலைவர் ஒரு மாகாண சபை உறுப்பினராக இருக்க வேண்டிய அவசியம் குறித்து விவாதித்தனர்.
தேர்ந்தெடுக்கப்பட்ட சட்டமன்ற உறுப்பினராக இருப்பதன் மூலம் கிடைக்கும் முக்கியத்துவம் அடுத்த தலைவருக்கு தேவை என தற்போது தலைமை பதவிக்கு போட்டியிடும் மாகாணசபை உறுப்பினர்கள் Lee Fairclough, Stephanie Bowmanது ஆகியோர் வாதிடுகின்றனர்.
Libeal கட்சியினர் November மாதம் தேர்ந்தெடுக்கும் நபர், அக்கட்சி இறுதியாக ஆட்சியில் இருந்த 2018-க்குப் பின்னர் அதன் நான்காவது தலைவராக இருப்பார்.
Ontario Liberal கட்சியின் புதிய தலைவர் November 21 அன்று அறிவிக்கப்படவுள்ளார்.
