கனடிய அமெரிக்க வர்த்தகப் பேச்சுவார்த்தையாளர்கள் செவ்வாய்க்கிழமை (11) மீண்டும் சந்திக்கின்றனர்.
கனடா-அமெரிக்க வர்த்தக அமைச்சர் Dominic LeBlanc, அமெரிக்க வர்த்தக பிரதிநிதி Jamieson Greer-ருடன் மற்றொரு சந்திப்பை நடத்துவதற்காக செவ்வாயன்று Washington செல்கிறார்.
இந்த சந்திப்பில் கனடாவின் தலைமை வர்த்தகப் பேச்சுவார்த்தையாளர் Janice Charette இணைந்து கொள்வார்.
ஒரு வாரத்திற்கும் குறைவான காலத்தில் இரு தரப்பினருக்கும் இடையே நடைபெறும் இரண்டாவது சந்திப்பு இதுவாகும்.
இரு தரப்பினரும் கடந்த வியாழக்கிழமை (06) சந்தித்தனர்.
இந்த சந்திப்புகளில் இரு தரப்பினராலும் விவாதிக்கப்பட்டு வரும் முன்மொழிவுகள் குறித்த தகவல்கள் உத்தியோகப்பற்றற்ற முறையில் வெளியாகின்றன.
கடந்த மாதம், கனடிய இறக்குமதிகள் மீது 50 சதவீத புதிய சுங்க வரியை விதிப்பதற்கான நிர்வாக உத்தரவு ஒன்றில் அமெரிக்க ஜனாதிபதி Donald Trump கையெழுத்திட்டார்.
இந்த விடயத்தில் இரு தரப்பினராலும் ஒரு உடன்பாட்டிற்கு வர முடியாவிட்டால், சுமார் $28 பில்லியன்மதிப்பிலான கனடிய இறக்குமதிகள் மீது வரிகள் அமுலுக்கு வரும் என்பது இங்கு குறிப்பிடத்தக்கது.
