Salsa on St. Clair துப்பாக்கிச் சூடு சம்பவ குற்றச்சாட்டில் கைதுகள் மேற்கொள்ளப்பட்டுள்ளன.
கடந்த மாதம் Salsa on St. Clair நிகழ்வின் போது நடந்த துப்பாக்கிச் சூடு சம்பவம் தொடர்பாக கைது நடவடிக்கைகள் மேற்கொள்ளப்பட்டுள்ளதாக Toronto காவல் துறைத் தலைவர் தெரிவித்துள்ளார்.
July 11 அன்று நடைபெற்ற Salsa on St. Clair திருவிழாவின் போது நிகழ்ந்த துப்பாக்கிச் சூடு மோதலில் இருவர் கொல்லப்பட்டனர்; மேலும் பலர் காயமடைந்தனர்.
இந்த விசாரணையில் இரண்டு கைதுகள் மேற்கொள்ளப்பட்டுள்ளதாக Toronto காவல் துறைத் தலைவர் Myron Demkiw வியாழக்கிழமை (06) நடைபெற்ற, செய்தியாளர் சந்திப்பொன்றில் கூறினார்.
இந்த விசாரணை குறித்த மேலதிக விவரங்களை உறுதிப்படுத்த வெள்ளிக்கிழமை (07) செய்தியாளர் சந்திப்பு நடத்தப்படும் எனவும் காவல்துறைத் தலைவர் தெரிவித்தார்.
குறிப்பிட்ட துப்பாக்கிச் சூட்டுச் சம்பவத்தில் பலியானவர்கள் 25 வயதான Shaquan Quashie, 20 வயதான Cesar Vernaza அடையாளம் காணப்பட்டுள்ளனர்.
இந்த துப்பாக்கிச் சூடு சம்பவம், நகரில் நடைபெறும் முக்கிய நிகழ்வுகளின் போது பொதுமக்கள் பாதுகாப்பு குறித்த கேள்விகளை எழுப்பியது .
இந்தக் கோடையில் Toronto நகரில் நடைபெறும் பெரிய நிகழ்வுகளில் அதிக எண்ணிக்கையிலான காவலர்கள் பணியில் ஈடுபடுத்தப்படுவார்கள் என காவல்துறையினர் வலியுறுத்தினர்.
