Liberal கட்சியின் புதிய தேசிய இயக்குநர் அறிவிக்கப்பட்டார்.
பல மாத காலத் தேடலுக்குப் பின்னர் மத்திய Liberal கட்சி ஒரு புதிய தேசிய இயக்குநரை நியமித்துள்ளது.
Liberal கட்சியின் புதிய தேசிய இயக்குநராக வழக்கறிஞர் Jessica Cardill அறிவிக்கப்பட்டார்.
Liberal கட்சியின் தேசிய இயக்குநர்கள் குழு புதன்கிழமை (05) இந்த நியமனத்திற்கு ஒப்புதல் அளித்தது.
கனடிய மருத்துவச் சங்கத்தில் இணைவதற்காக கடந்த May மாதத்தில் பதவியிலிருந்து விலகிய Azam Ishmael-க்குப் பதிலாக Jessica Cardill இந்தப் பதவியில் நியமிக்கப்படுகிறார்.
அரசியல் செயல்பாடுகள், நிர்வாகம், தேர்தல் பிரச்சாரத் தயார் நிலை ஆகியவற்றில் அனுபவம் வாய்ந்த அவர், கட்சியின் புதிய தேசிய இயக்குநராகப் பணியாற்றுவார் என தேசியம் பெற்ற ஒரு செய்தி குறிப்பு தெரிவிக்கிறது.
அனைவருக்கும் வலுவான கனடாவை உருவாக்கும் Mark Carney தலைமையிலான Liberal குழுவின் பணிகளை Jessica Cardill ஆதரிப்பார் என Liberal கட்சியின் தவிசாளர் Sachit Mehra கூறினார்.
முன்னர் ஐந்து ஆண்டுகளுக்கும் மேலாக Liberal கட்சியின் உயர்மட்டப் பொறுப்புகளில் Jessica Cardill பணியாற்றினார் என்பது இங்கு குறிப்பிடத்தக்கது.
