Conservative கட்சி நாடாளுமன்ற உறுப்பினர் ஒருவர் பதவி விலகுகிறார்.
அடுத்த மாதம் பதவி விலகவுள்ளதாக Conservative நாடாளுமன்ற உறுப்பினர் Larry Brock அறிவித்துள்ளார்.
அடுத்த மாதம் நாடாளுமன்ற உறுப்பினர் பதவியில் இருந்து விலகப்போவதாக வியாழக்கிழமை (06) இரவு அவர் அறிவித்தார்.
Brantford-Brant South தொகுதியின் நாடாளுமன்ற உறுப்பினர் பதவியில் இருந்து விலகவுள்ளதாக ஒரு அறிக்கையில் தெரிவித்தார்.
September 18 அன்று தனது நாடாளுமன்ற உறுப்பினர் பதவியில் இருந்து அதிகாரப்பூர்வமாக விலகிவிட்டு, முன்னர் வகித்த பதவிக்கு Larry Brock திரும்ப உள்ளனர்.
இந்தப் பதவி விலகல் அவரது Ontario மாகாண தொகுதியில் ஒரு இடைத் தேர்தலுக்கு வழிவகுக்கிறது.
2021-இல் முதன் முதலில் Larry Brock நாடாளுமன்றத்திற்குத் தேர்ந்தெடுக்கப்பட்டார்.
இந்த தெரிவின் மூலம் அவர் நீண்ட கால Conservative கட்சி நாடாளுமன்ற உறுப்பினர் Phil McColeman-னுக்குப் பதிலாக சபையில் இடம் பிடித்தார்.
அவர் 2025-இல் 52 சதவீதத்திற்கும் அதிகமான வாக்கு விகிதத்துடன் மீண்டும் தேர்ந்தெடுக்கப்பட்டார்.
Larry Brock ஆற்றிய சேவைக்கு நன்றி தெரிவித்து Conservative கட்சித் தலைவர் Pierre Poilievre ஒரு சமூக வலைதள பதிவொன்றை வெளியிட்டார்.
2025-ஆம் ஆண்டு மத்திய தேர்தலுக்குப் பின்னர், Pierre Poilievre ஒ நாடாளுமன்றக் குழுவிலிருந்து விலகும் ஏழாவது நாடாளுமன்ற உறுப்பினராக Larry Brock உள்ளார்.
Chris d’Entremont, Michael Ma, Matt Jeneroux, Marilyn Gladu ஆகியோர் கட்சி மாறி ஆளும் Liberal கட்சியில் இணைந்தனர்.
அதேவேளையில், August மாத இறுதியில் தான் பதவி விலகப்போவதாக Cathy Wagantall கூறினார்.
July மாதத்தில் பிரதமர் Mark Carney-யால் Richard Martel மேலவைக்கு நியமிக்கப்பட்டார்.
இப்போது இந்த பதவி விலகல் அறிவித்தல் வெளியாகிறது.
Liberal கட்சி 2025 தேர்தல் மூலம் சிறுபான்மை அரசாங்கத்தை அமைத்தது.
ஆனால், கட்சி மாறியவர்களின் எண்ணிக்கை, கடந்த April மாதம் நடைபெற்ற மூன்று இடைத் தேர்தல்களில் கிடைத்த வெற்றிகள் ஆகியன இணைந்து, Mark Carney நாடாளுமன்றத்தில் பெரும்பான்மையை பெற உதவின.
