Gordie Howe சர்வதேச பாலம் July மாத இறுதியில் திறக்கப்படவுள்ளது.
பல வார கால தாமதங்களுக்கும், அமெரிக்க ஜனாதிபதியின் பகிரங்க விமர்சனங்களுக்கும் பின்னர் இந்த சர்வதேசப் பாலம் இந்த மாத இறுதியில் திறக்கப்பட உள்ளது.
நீண்டகாலமாக எதிர்பார்க்கப்பட்ட இந்த நிகழ்வை வெள்ளிக்கிழமை (10) வெளியிட்ட அறிக்கை ஒன்றில் கனடிய அரசாங்கம் உறுதிப்படுத்தியது.
அமெரிக்க அரசாங்கத்தின் ஆதரவுடன், July 27 அன்று Gordie Howe சர்வதேசப் பாலத்தை திறக்க கனடாவும் Michigan-னும் ஒப்புக் கொண்டுள்ளன என அந்த அறிக்கை குறிப்பிடுகிறது.
இந்த பாலமானது பொருளாதார வளர்ச்சிக்கு ஒரு முக்கிய உந்துசக்தியாக அமைவதோடு, பயணிகள், சுற்றுலா பயணிகள், வணிக நிறுவனங்களுக்கு பல்வேறு வாய்ப்புகளையும் வழங்கும் எனவும் நம்பிக்கை தெரிவிக்கப்பட்டுள்ளது.
Ontario மாகாணத்தின் Windsor நகருக்கும் Michigan மாநிலத்தின் Detroit நகருக்கும் இடையேயான இந்தப் புதிய மேம்பாலம், அருகே உள்ள Ambassador பாலத்தில் நிலவும் போக்குவரத்து நெரிசலைக் கணிசமாகக் குறைத்து, எல்லை தாண்டிய வர்த்தகத்தை சீரமைக்கும் என எதிர்பார்க்கப்படுகிறது.
இந்தப் பாலத்தின் பணிகள் முடிந்து பல மாதங்கள் ஆகிய நிலையில் கடந்த மாதம் பாலம் திறக்கப்படும் என எதிர்பார்க்கப்பட்டது.
ஆனால் சில நாட்களுக்குப் பின்னர் இந்த திறப்பு விழா நிறுத்தி வைக்கப்படுவதாக அறிவிக்கப்பட்டது.
இந்த பாலத்தின் கட்டுமானப் பணிகள் 2018-ஆம் ஆண்டு ஆரம்பமானது குறிப்பிடத்தக்கது.
