Conservative நாடாளுமன்ற உறுப்பினர் Cathay Wagantall தனது பதவி விலகலை விரைவு படுத்தினார்.
நீண்டகால Conservative கட்சி நாடாளுமன்ற உறுப்பினரான Cathay Wagantall, August மாத இறுதியில் தனது பதவியிலிருந்து விலக உள்ளார்.
அடுத்த பொதுத் தேர்தலில் போட்டியிடப் போவதில்லை என கடந்த கோடை காலத்தில் அவர் அறிவித்ததை அடுத்து, நாடாளுமன்றத்திலிருந்து தனது பதவி விலகலை அவர் விரைவு படுத்துகிறார்.
“Yorkton-Melville தொகுதியின் நாடாளுமன்ற உறுப்பினர் பதவியிலிருந்து விலகுவதாக நான் முதலில் அறிவித்த போது, அடுத்த தேர்தல் அறிவிக்கப்படும் வரை எனது தொகுதியின் வாக்காளர்களை பிரதிநிதித்துவபடுத்துவது எனது நோக்கமாக முதலில் இருந்தபோதிலும், நான் August 31, 2026 முதல் எனது பதவியிலிருந்து விலக முடிவு செய்துள்ளேன்,” என Cathay Wagantall சமூக ஊடகங்களில் பதிவிட்ட ஓர் அறிக்கையில் தெரிவித்தார்.
2015-ல் Saskatchewan மாகாண கிராமப்புற தொகுதியான Yorkton-Melville தொகுதியில் Cathay Wagantall முதன்முதலில் தேர்ந்தெடுக்கப்பட்டார்.
1993-ஆம் ஆண்டு முதல் இந்தத் தொகுதி Conservative கட்சியினராலும், அவர்களின் மத்திய கட்சியின் முன்னோடிகளான Reform, Canadian Alliance கட்சிகளாலும் தக்க வைக்கப்பட்டு வருகிறது.
கடந்த ஆண்டு நடைபெற்ற பொதுத் தேர்தலில், Cathay Wagantall 78 சதவீத வாக்குகளுடன் மீண்டும் தேர்ந்தெடுக்கப்பட்டார்.
கடந்த நான்கு தேர்தல்களில் எனக்குக் கிடைத்த ஆதரவு சிந்திக்க வைப்பதாகவும் அதே சமயம் ஊக்கமளிப்பதாகவும் இருந்தது எனவும் Cathay Wagantall தனது அறிக்கையில் குறிப்பிட்டிருந்தார்.
Conservative கட்சித் தலைவர் Pierre Poilievre, தனது பணியாளர்கள், RCMP, தனது குடும்பத்தினருக்கு அவர் தனது அறிக்கையில் நன்றி தெரிவித்தார்.
Yorkton-Melville தொகுதிக்கு ஒரு தசாப்தத்திற்கு மேலாக ஆற்றிய கொள்கை ரீதியான, உண்மையான சேவைக்காக அவருக்கு புதனன்று சமூக ஊடகங்களில் வெளியிடப்பட்ட ஓர் அறிக்கையில் Pierre Poilievre நன்றி தெரிவித்தார்.
சமீப மாதங்களில் தங்கள் பதவிகளில் இருந்து விலகும் நாடாளுமன்ற உறுப்பினர்களின் அதிகரித்து வரும் பட்டியலில் Cathay Wagantall இணைந்துள்ளார்.
இந்த பதவி விலகல்களினால் எதிர்வரும் மாதங்களில் ஆறு இடைத் தேர்தல்கள் நடத்தப்பட வேண்டிய நிலை தோன்றியுள்ளது.
