Taiwan செல்லும் தூதுக்குழுவில் பங்கேற்கவுள்ளதாக Liberal கட்சி நாடாளுமன்ற உறுப்பினர் தெரிவித்தார்.
கனடா-Taiwan நாடாளுமன்ற நட்புறவுக் குழு எதிர்வரும் October மாதம் Taiwan பயணமாகிறது.
இந்தப் பயணத்தில் Liberal, Conservative நாடாளுமன்ற உறுப்பினர்கள் அங்கம் வகிப்பார்கள் என கனடா-Taiwan நாடாளுமன்ற நட்புறவுக் குழுவின் தலைவரான நாடாளுமன்ற உறுப்பினர் Judy Sgro தெரிவித்தார்.
இத்தகைய பயணங்கள் சீனாவுடனான கனடாவின் உறவுகளை பாதிக்கும் என சீனாவின் தூதர் எச்சரித்த போதிலும் கனடிய நாடாளுமன்ற உறுப்பினர்களினால் இந்தப் பயணம் முன்னெடுக்கப்படுகிறது.
Taiwan ஜனநாயகக் கொள்கைகளுக்கான நம்பிக்கையின் கலங்கரை விளக்கமாக திகழ்கிறது என குறிப்பிட்ட Judy Sgro, இதுபோன்ற கருத்துப் பரிமாற்றங்களின் அவசியத்தை வலியுறுத்தினார்.
கனடிய நாடாளுமன்ற உறுப்பினர்களுக்கு அதிகாரப்பூர்வ அந்தஸ்து இருப்பதால், Taiwan-னுடனான எந்த ஒரு ஈடுபாடும் வலுவான கனடிய சீன இருதரப்பு உறவுகளுக்கான முயற்சிகளுக்கு பாதிப்பை ஏற்படுத்தும் என கனடாவுக்கான சீனத் தூதர் Wang Di அண்மைய பத்திரிகைப் பேட்டியில் தெரிவித்திருந்தார்.
பல ஆண்டுகளாக நிலவி வந்த இரு நாடுகளுக்கும் இடையிலான முரண்பாடுகளுக்கு பின்னர், சீனாவுடனான கனடாவின் உறவுகளைச் சீரமைக்கும் ஒரு முயற்சியாக கனடிய பிரதமர் Mark Carney கடந்த January மாதம் சீனாவுக்கு பயணம் மேற்கொண்டார்.
