கனடா மீது குறைந்தது 10 சதவீத வரிகளை விதிக்க அமெரிக்கா திட்டமிட்டுள்ளதாக தெரியவருகிறது.
கட்டாய ஊழியர் உழைப்பால் தயாரிக்கப்பட்டதாக கூறப்படும் பொருட்களின் இறக்குமதி குறித்த விசாரணையை தொடர்ந்து இந்த முடிவு எடுக்கப்பட்டதாக தெரியவருகிறது..
இதன் எதிரொலியாக கனடா உள்ளிட்ட வர்த்தக பங்காளிகள் மீது 10 சதவீதம் அல்லது அதற்கும் அதிகமாக கூடுதல் வரிகளை விதிக்க Donald Trump நிர்வாகம் பரிந்துரைத்து வருவதாக தெரியவருகிறது.
இது குறித்த அறிக்கை புதன்கிழமை (03) அமெரிக்க வர்த்தகப் பிரதிநிதியால் வெளியிடப்பட்டது.
கனடா, Mexico, Taiwan, இங்கிலாந்து உள்ளியிட்ட நாடுகள் 10 சதவிகித கூடுதல் வரியை செலுத்த நேரிடும் என அமெரிக்க வர்த்தகப் பிரதிநிதியின் அறிக்கையில் தெரிவிக்கப்பட்டுள்ளது.
கட்டாய உழைப்பால் தயாரிக்கப்பட்ட பொருட்களின் இறக்குமதியை கையாள்வதில் எமது மிக முக்கியமான வர்த்தக பங்காளிகள் தவறுவது ஏற்றுக்கொள்ள முடியாதது என இந்த முடிவு குறித்து அமெரிக்க வர்த்தக பிரதிநிதி Jamieson Greer தெரிவித்தார்.
