Liberal நாடாளுமன்ற உறுப்பினர் Steven Guilbeault இந்த கோடை காலத்தில் தனது பதவியில் இருந்து விலகவுள்ளார்.
Québec மாகாணத்தின் Laurier-Sainte-Marie தொகுதி நாடாளுமன்ற உறுப்பினரும், முன்னாள் அமைச்சருமான Steven Guilbeault, இந்த கோடை காலத்தின் பிற்பகுதியில் தனது நாடாளுமன்ற உறுப்பினர் பதவியில் இருந்து விலக உள்ளார்.
சமூக ஊடகங்களில் வெளியிடப்பட்ட ஓர் அறிக்கையில் புதன்கிழமை (27) இந்த அறிவித்தலை அவர் வெளியிட்டார் .
பிரதமர் Mark Carney அரசாங்கத்தின் காலநிலை கொள்கையில் செய்யப்பட்ட குறிப்பிடத்தக்க மாற்றங்களை தொடர்ந்து இந்த பதவி விலகல் முடிவு வெளியானது.
ஆழ்ந்த பரிசீலனையின் பின்னர் Liberal கட்சி குழுவில் இருந்து விலகுவது குறித்து Steven Guilbeault அறிக்கை ஒன்றை வெளியிட்டுள்ளார்.
தான் பதவி விலகும் வரை Liberal கட்சி குழுவில் உறுப்பினராக நீடிப்பதாக Steven Guilbeault கூறினார்.
இந்த பதவி விலகும் முடிவு, “கவனமாகப் பரிசீலித்ததன் விளைவாக எடுக்கப்பட்டது” என பருவநிலை ஆர்வலரான அவர் தெரிவித்தார்.
சுற்றுச்சூழல் பாதுகாப்பிற்கான தனது போராட்டத்தை தொடர இதுவே தகுந்த தருணம் என பதவி விலகல் குறித்து Steven Guilbeault தெரிவித்தார்.
Steven Guilbeault எடுத்துள்ள பதவி விலகும் முடிவை மதிப்பதாக செய்தியாளர்களிடம் பேசிய பிரதமர் Mark Carney தெரிவித்தார்.
தனது தொகுதிக்கும் கட்சிக்கும் அவர் ஆற்றிய பங்களிப்புகளுக்காக Mark Carney அவருக்கு நன்றி தெரிவித்தார்.
புதன்கிழமை கட்சியின் குழு கூட்டத்திற்கு செல்லும் வழியில், Liberal கட்சி நாடாளுமன்ற உறுப்பினர்கள் பலரும் Steven Guilbeault குறித்து நேர்மறையான கருத்துக்களை தெரிவித்தனர்.
இந்த பதவி விலகல் நாடாளுமன்றத்தில் பிரதமர் Mark Carney அரசாங்கத்தின் பெரும்பான்மை குறைகிறது.
இது Liberal கட்சிக்கு பெரும்பான்மைக்கு தேவையான 172 ஆசனங்களை விட ஒரு ஆசனம் மட்டுமே கூடுதலாக இருக்கும் நிலையைத் தோற்றுவிக்கிறது.
