Woodstock வணிக நிறுவனத்தில் காவல்துறையினர் முன்னெடுத்த சோதனை நடவடிக்கையில் $1 மில்லியன் பணம் பறிமுதல் செய்யப்பட்டது.
Ontario மாகாணத்தின் Woodstock நகரில் கடந்த மாதம் காவல்துறையினர் சோதனை நடவடிக்கை ஒன்றை முன்னெடுத்தனர்.
போதைப்பொருள் கடத்தல் நடவடிக்கையின் ஒரு பகுதியாக ஒரு வணிக நிறுவனத்தில் நடத்தப்பட்ட சோதனையைத் தொடர்ந்து, ஒரு மில்லியனுக்கும் அதிகமான பணம் பறிமுதல் செய்யப்பட்டுள்ளது.
April 23 அன்று, ‘Project Delorean’ எனப் பெயரிடப்பட்ட போதைப் பொருள் கடத்தல் விசாரணையின் போது, பலர் கைது செய்யப்பட்டதுடன், போதைப் பொருட்கள், துப்பாக்கிகள், பணம் பறிமுதல் செய்யப்பட்டன.
தொடர்ந்து நடந்த விசாரணையின் ஒரு பகுதியாக, April 24 அன்று Woodstock நகரில் அமைந்துள்ள ஒரு வணிக வளாகத்தில் காவல்துறையின் குற்றப் பிரிவினர் சோதனை நடவடிக்கை ஒன்றை முன்னெடுத்தனர்.
அங்கு காவல்துறையினர், தோட்டாக்கள் நிரப்பப்பட்ட கைத்துப்பாக்கி ஒன்றையும், $1,024,720 மதிப்பிலான கனடிய பணத்தையும் பறிமுதல் செய்தனர்.
Woodstock காவல்துறையின் வரலாற்றில் இதுவே மிகப்பெரிய பணப் பறிமுதல் ஆகும்.
இந்த விசாரணையின் விளைவாக, முன்னதாக கைது செய்யப்பட்ட நான்கு நபர்களில் ஒருவரான Woodstock நகரைச் சேர்ந்த 28 வயது ஆண் மீது கூடுதலாகக் குற்றச்சாட்டுகள் பதிவு செய்யப்பட்டுள்ளன.
இவருக்கு எதிரான குற்றச்சாட்டுக்கள் எதுவும் நீதிமன்றில் நிரூபிக்கப்படவில்லை.
