Ajax நகரசபை உறுப்பினர் பதவிக்கு முதலாவது தமிழர் வேட்புமனு தாக்கல் செய்துள்ளார்.
Ontario மாகாணத்தின் பல்வேறு நகரசபை பதவிகளுக்கான வேட்புமனு தாக்கல் வெள்ளிக்கிழமை (01) அதிகாரப்பூர்வமாக ஆரம்பித்தது.
பல்வேறு நகரசபை பதவிகளுக்கான தேர்தல் October 26-ஆம் திகதி நடைபெறுகிறது.
இதில் Ajax நகரசபையின் இரண்டாம் வட்டார Regional Councillor பதவிக்கு போட்டியிட தமிழரான ரஞ்சித் பரணிவாசகம் வேட்புமனு தாக்கல் செய்துள்ளார்.
வேட்புமனுக்கள் ஏற்றுக்கொள்ளப்படும் முதல் நாளான வெள்ளி காலை அவர் தனது வேட்புமனுவை தாக்கல் செய்துள்ளார்.
இந்த பதவியை தற்போது Sterling Lee பிரதிநிதித்துவப்படுத்துகிறார்.
இவர் கடந்த தேர்தலில் 58 சதவீதத்திற்கும் அதிகமான வாக்குகளை பெற்றிந்தார் என்பது குறிப்பிடத்தக்கது.
