Conservative நாடாளுமன்ற உறுப்பினர் Matt Jeneroux ஆளும் Liberal அரசாங்கத்தில் இணைகிறார்.
Edmonton Riverbend தொகுதி நாடாளுமன்ற உறுப்பினர் Matt Jeneroux தனது இந்த முடிவை புதன்கிழமை (18) ஒரு அறிக்கையில் உறுதிப்படுத்தினார்.
இதன் மூலம் ஆளும் கட்சிக்கு சபையில் அதிக அதிகாரத்தையும், கடும் Conservative கோட்டையான Alberta மாகாணத்தில் பிரதிநிதித்துவத்தையும் அவர் வழங்கியுள்ளார்.
மூன்று மாதங்களில் Liberal கட்சிக்கு மாறிய மூன்றாவது Conservative நாடாளுமன்ற உறுப்பினர் இவராவார்.
கடந்த November மாதம் Chris d’Entremont, December மாதம் Michael Ma ஆகியோர் Conservative கட்சியில் இருந்து விலகி, Liberal அரசாங்கத்தில் இணைந்தனர்.
Chris d’Entremont ஆளும் Liberal அரசில் இணைந்த சில மணி நேரத்தில் Matt Jeneroux அவருடன் இணையக் கூடும் என்ற ஊகம் வெளியாகியிருந்தது.
அதற்கு பதிலாக, அவர் முற்றிலுமாக தனது பதவியில் இருந்து விலகுவதாக அறிவித்தார்.
அவருக்கு கட்சி மாறும் எண்ணம் இல்லை எனவும் அவரது அலுவலகம் அந்த நேரம் அறிவித்திருந்தது.
ஆனாலும் Mark Carney தலைமையிலான Liberal அரசாங்கத்துடன் இணைந்து நாடாளுமன்றத்தில் தொடர்ந்து பணியாற்றவுள்ளதாக Matt Jeneroux புதனன்று வெளியிட்ட அறிக்கையில் குறிப்பிட்டார்.
“எதிர்வரும் சவால்களை எதிர்கொள்ளும் போது நமது நாட்டின் வலிமையை கட்டியெழுப்ப உதவுவதற்காக, பிரதமரின் புதிய அரசாங்கத்தின் ஒரு பகுதியாக நான் அவருடன் இணைந்து பணியாற்றுவேன்” என அந்த அறிக்கையில் அவர் கூறினார்.
Conservative கட்சியின் மூன்று உறுப்பினர்கள் Liberal அரசில் இணைந்த போதிலும், பெரும்பான்மை அரசாங்கத்தை அமைப்பதற்கான 172 ஆசனங்களை இதுவரை அவர்கள் எட்டவில்லை என்பது குறிப்பிடத்தக்கது.
இந்த கட்சி மாற்ற அறிவித்தலுடன் Liberal அரசாங்கம் தற்போது நாடாளுமன்றத்தில் 169 ஆசனங்களை கொண்டுள்ளது.
Conservative 141, Bloc Quebecois 22, NDP ஏழு, பசுமை கட்சி ஒன்று என ஆசனப்பகிர்வு அமைகிறது.
மேலும் மூன்று ஆசனங்கள் வெற்றிடமாக உள்ளது.
இதன் மூலம் Liberal அரசாங்கம் தங்கள் சிறுபான்மை அரசாங்கத்தைத் தக்க வைத்துக் கொள்ளும் நிலை தோன்றியுள்ளது.
அவர்கள் வேறு எந்தக் கட்சியையும் விடவும் சபையில் அதிக இடங்களைப் பெற்றுள்ளனர்.
ஆனால் கிடைக்கக்கூடிய 343 இடங்களில் பெரும்பான்மையைக் அவர்கள் கொண்டிருக்கவில்லை என்பது குறிப்பிடத்தக்கது.
Conservative நாடாளுமன்ற உறுப்பினர்கள் கட்சி மாறினாலும், கடந்த தேர்தலுக்குப் பின்னர் Liberal கட்சியும் சில பின்னடைவுகளை சந்தித்துள்ளது.
இங்கிலாந்துக்கான கனடாவின் உயர் ஸ்தானிகராக நியமிக்கப்பட்ட பின்னர், முன்னாள் அமைச்சர் Bill Blair தனது பதவியில் இருந்து விலகினார்.
முன்னாள் நிதியமைச்சர் David Lametti, கடந்த November மாதம் Bob Rae-க்குப் பதிலாக ஐக்கிய நாடுகள் சபைக்கான கனடாவின் தூதராகப் பொறுப்பேற்றார்.
உக்ரைனுக்கான பொருளாதார ஆலோசகர் பதவியை ஏற்க முன்னாள் துணைப் பிரதமரான Chrystia Freeland தனது நாடாளுமன்ற உறுப்பினர் பதவியில் இருந்து விலகுவதாக அறிவித்தார்.
கடந்த வாரம், Quebec மாகாணத்தின் Terrebonne தேர்தல் முடிவை உச்ச நீதிமன்றம் செல்லாததாக்கியது.
அங்கு Liberal நாடாளுமன்ற உறுப்பினர் Tatiana Auguste ஒரு வாக்கு வித்தியாசத்தில் வெற்றி பெற்றிருந்தார்.
அந்தத் தொகுதியிலும் விரைவில் இடைத்தேர்தல் நடைபெறவுள்ளது குறிப்பிடத்தக்கது.
