கனடிய பிரதமரும் எதிர்க்கட்சி தலைவரும் இணைந்து செயல்பட இணங்கினர்.
பாதுகாப்பான, தன்னிறைவு கொண்ட கனடாவிற்காக இணைந்து செயல்பட இரண்டு பிரதான கட்சிகளின் தலைவர்களும் இணங்கினர்.
பிரதமர் Mark Carney எதிர்க்கட்சித் தலைவர் Pierre Poilievre புதன்கிழமை சந்தித்தனர்
கனடிய பொருளாதாரத்தின் நிலை குறித்த விவாதம் இந்த சந்திப்பில் முக்கிய இடம் பிடித்தது.
கனடாவின் புதிய அரசாங்கம் வேகமாக செயல்பட்டு வருவதாக கூறிய Mark Carney, கனடியர்களுக்கு சேவையாற்ற நாடாளுமன்றம் விரைவாக செயல்பட வேண்டும் எனவும் இந்த சந்திப்பின் பின்னர் வலியுறுத்தினார்
இது ஒன்றிணைந்து செயல்படுவதற்கும், கனடியர்கள் எதிர்பார்க்கும் சட்டத்தை நிறைவேற்றுவதற்கும் ஒரு முக்கியமான தருணமாகும் எனவும் அவர் வலியுறுத்தினார்
“எங்களுடன் இணைந்து பணியாற்றுமாறு பிரதமரிடம் கோரினேன் என இந்த சந்திப்பு குறித்து Conservative Leader தெரிவித்தார்.
அமெரிக்காவுடன் ஒரு புதிய வர்த்தக ஒப்பந்தத்தை பெற முடியாததற்கு பிரதமரை விமர்சித்துவரும் Pierre Poilievre, தனது கட்சி Liberal அரசாங்கத்துடன் இணைந்து செயல்பட தயாராக உள்ளதாகவும் கூறினார்.
“பிரதமருடன் ஒரு அவசர சந்திப்பை” தான் எதிர்பார்க்கிறேன் என கடந்த திங்கட்கிழமை (02) வெளியிடப்பட்ட ஒரு காணொளியில் Pierre Poilievre கூறி இருந்தார்.
ஆனாலும் எதிர்க்கட்சித் தலைவர்களை சந்தித்து அவர்களின் முன்னுரிமைகள் குறித்து விவாதிக்க பிரதமர் ஆர்வமுடன் இருப்பதாக பிரதமர் அலுவலகம் ஏற்கனவே கூறியிருந்தது.
இந்த சந்திப்புக்காக பிரதமர் கடந்த வாரம் எதிர்க்கட்சித் தலைவர்களை அணுக ஆரம்பித்திருந்தார் என மூத்த அரசாங்க அதிகாரி ஒருவர் கூறினார்.
கடந்த வாரம் பிரதமர் இடைக்கால NDP தலைவர் Don Davies-சை சந்தித்திருந்தார் என்பது குறிப்பிடத்தக்கது.
