Alberta Junior Hockey விளையாட்டு வீரர்கள் மூவர் விபத்தில் மரணமடைந்தனர்.
இந்த விபத்து திங்கட்கிழமை (02) காலை Highway 2 – Highway 527 சந்திப்புக்கு அருகாமையில் நடைபெற்றது.
Southern Alberta Mustangs Hockey அணியை சேர்ந்த 17 வயதான Caden Fine, 18 வயதான JJ Wright, 18 வயதான Cameron Casorso ஆகியோர் இந்த விபத்தில் மரணமடைந்தனர்.
இவர்கள் மூவரும் பயணித்த வாகனம் மற்றொரு வாகனத்துடன் மோதியதில் இந்த விபத்து நிகழ்ந்தது.
நெடுஞ்சாலையில் சரளைக் கற்களை ஏற்றிச் சென்ற வாகனத்துடன் மூவரும் பயணித்த சிறிய வாகனம் மோதியதாக RCMP தெரிவித்துள்ளது.
சரளைக் கற்களை ஏற்றிச் சென்ற வாகனத்தை ஓட்டிச் சென்ற 40 வயதானவர் சிறிய காயங்களுக்கு சம்பவ இடத்தில் சிகிச்சை பெற்றார் என RCMP தெரிவித்தது.
இந்தச் சம்பவத்தை Southern Alberta Mustangs அணி உறுதிப்படுத்தியது.
தங்கள் சக வீரர்களின் இழப்பு கற்பனை செய்ய முடியாத மனவேதனையானது என ஒரு அறிக்கையில் அவர்கள் தெரிவித்தனர்.
இந்த சம்பவத்தில் பாதிக்கப்பட்டவர்களுக்கு இரங்கல்கள் தொடர்ந்தும் வெளியாகி வருகிறது.
பிரதமர் Mark Carney, Alberta முதல்வர் Danielle Smith, Alberta NDP தலைவர் Naheed Nenshi குடும்பத்தினருக்கும் நண்பர்களுடன் இரங்கல் செய்திகளை பகிர்ந்து கொண்டனர்.
திங்கள் இரவு நடைபெற்ற தமது ஆட்டத்திற்கு முன்னதாக விபத்தில் கொல்லப்பட்ட மூவருக்கு Calgary Flames அணி மரியாதை செலுத்தியது.
