கனடா-சீனா வர்த்தக ஒப்பந்தத்தை அமெரிக்க ஜனாதிபதி Donald Trump ஆதரிக்கின்றார்.
கனடிய அரசாங்கம் சீன அரசாங்கத்துடன் tariffs கட்டணங்கள் குறித்த ஒப்பந்தம் ஒன்றை எட்டியுள்ளது.
சீனா விவசாய பொருட்கள் மீதான வரிகளை குறைப்பதற்கு ஈடாக, குறிப்பிட்ட எண்ணிக்கையிலான சீன மின்சார வாகனங்களுக்கான வரிகளைக் குறைக்க கனடிய அரசாங்கம் சீனாவுடன் ஒரு ஒப்பந்தத்தை எட்டியுள்ளதாக கனடிய பிரதமர் Mark Carney அறிவித்தார்.
இந்த நிலையில், சீனாவுடன் ஒரு ஒப்பந்தத்தைப் பெற முடிந்தால் அதை கனடிய பிரதமர் செய்ய வேண்டும் என வெள்ளை மாளிகையில் செய்தியாளர்களிடம் Donald Trump கூறினார்.
முன்னதாக, Donald Trump நிர்வாகம் இந்த ஒப்பந்தம் தொடர்பாக முரண்பட்ட கருத்துகளைப் பகிர்ந்து கொண்டது.
கனடா இந்த முடிவுக்கு வருத்தப்படக்கூடும் என அமெரிக்க வர்த்தக பிரதிநிதி Jamieson Greer கூறியிருந்தார்.
LJI Reporter ரம்யா சேது
