கனடிய அரசாங்கம் சீன அரசாங்கத்துடன் tariffs கட்டணங்கள் குறித்த ஒப்பந்தம் ஒன்றை எட்டியுள்ளது.
சீன அரசாங்கத்துடன் கட்டணங்களை குறைக்க Liberal அரசாங்கம் வெள்ளிக்கிழமை (16) ஒரு ஒப்பந்தத்தை எட்டியுள்ளது.
சீனா விவசாய பொருட்கள் மீதான வரிகளை குறைப்பதற்கு ஈடாக, குறிப்பிட்ட எண்ணிக்கையிலான சீன மின்சார வாகனங்களுக்கான வரிகளைக் குறைக்க கனடிய அரசாங்கம் சீனாவுடன் ஒரு ஒப்பந்தத்தை எட்டியுள்ளது.
கனடிய பிரதமர் Mark Carney இந்த ஒப்பந்தம் குறித்து அறிவித்தார்.
சமீபத்திய ஆண்டுகளில் Liberal அரசாங்கம் ஒரு சீர்குலைக்கும் சக்தியாக முத்திரை குத்தப்பட்ட ஒரு நாட்டுடனான பதட்டங்கள் தணிவதை இந்த ஒப்பந்தம் குறிக்கிறது.
வர்த்தக தடைகளை நீக்குவதற்கும், tariffs கட்டணங்களைக் குறைப்பதற்கும் இது ஒரு “ஆரம்ப ஆனால் பிரதான” ஒப்பந்தம் என Mark Carney விவரித்தார்.
இந்த ஒப்பந்தம் சுற்றுலா, கலாச்சார உறவுகளை அதிகரிப்பது உள்ளிட்ட சீனாவுடனான பரந்த மூலோபாய கூட்டாண்மையின் ஒரு பகுதியாகும் எனவும் அவர் கூறினார்.
March 1-ஆம் திகதிக்குள் சீனா, canola விதை வரிகளை 84 சதவீதத்திலிருந்து 15 சதவீதமாக குறைக்கும் என கனடிய அரசாங்கம் எதிர்பார்க்கிறது எனத் தெரிவித்த Mark Carney, அது ஒரு பெரும் முன்னேற்றமாக அமையும் எனவும் கூறினார்.
இதற்கு ஈடாக, தற்போதைய 100 சதவீத கட்டணத்திற்கு பதிலாக 6.1 சதவீத கட்டணத்தில் ஒவ்வொரு ஆண்டும் 49,000 சீன மின்சார வாகனங்கள் கனடிய சந்தையில் அனுமதிக்கப்படும்.
அரச முறை பயணமாக கனடிய பிரதமர் Mark Carney வியாழக்கிழமை (15) சீனா சென்றடைந்தார்.
அவரை சீன பிரதமர் Li Qiang, தேசிய மக்கள் பேரவையின் நிலைக்குழுத் தலைவர் Zhao Leji ஆகியோர் வரவேற்றனர்.
அங்கு செய்தியாளர்களுடன் பேசிய Mark Carney, சீனாவுடன் “உறவுகளின் புதிய சகாப்தத்தில்” கனடா நுழைகிறது என தெரிவித்தார்.
வெள்ளியன்று கனடிய பிரதமர் சீன ஜனாதிபதியை சந்தித்தார்.
இந்த சந்திப்பில் மனித உரிமைகள் குறித்து கனடிய அரசாங்கத்தின் கவலைகளை எழுப்பியதாக Mark Carney தெரிவித்தார்.
கனடியர்கள் சீனாவிற்கு விசா இல்லாமல் பயணம் செய்வதற்கு ஏதுவான மாற்றங்களை மேற்கொள்ள இந்த சந்திப்பில் சீன அதிபர் Xi Jinping உறுதியளித்தார்.
கடந்த இலையுதிர் காலத்தில் தென் கொரியாவில் நடந்த ஆசிய-பசிபிக் பொருளாதார ஒத்துழைப்பு மன்றத்தின் ஒரு பகுதியாக இரு நாட்டின் தலைவர்களும் சந்தித்தனர்.
2017-ஆம் ஆண்டுக்குப் பின்னர் கனடா, சீனா நாடுகளின் தலைவர்களுக்கு இடையிலான முதல் அதிகாரப்பூர்வ சந்திப்பை இது குறித்தது.
LJI Reporter ரம்யா சேது
