கனடிய வரலாற்றில் மிக நீண்ட கால தொடர்ச்சியான சேவைக்கான நாடாளுமன்ற உறுப்பினராக Louis Plamondon பெயர் பெற்றார்.
82 வயதான Louis Plamondon புதன்கிழமை தொடர்ச்சியாக 15,059-வது நாளாக நாடாளுமன்ற உறுப்பினராக பணியாற்றி கனடிய வரலாற்றில் பெயர் பெற்றார்.
இந்த வாரத்தின் ஆரம்பத்தில் அவர் முன்னாள் பிரதமர் Wilfrid Laurier-ரின் தொடர்ச்சியான நாடாளுமன்ற உறுப்பினர் சேவைக்கான சாதனையை முறியடித்தார்.
இந்த நிலையில் அவரது சேவைக்காக சக நாடாளுமன்றத்தில் உறுப்பினர்கள் அவரை கௌரவித்தனர்.
Louis Plamondon 1990-ஆம் ஆண்டு Bloc Québécois கட்சியை நிறுவினார்.
1984-ஆம் ஆண்டு முதல் அவர் பிரதிநிதித்துவப்படுத்திய Progressive Conservative கட்சியை விட்டு வெளியேறிய பின்னர் அவர் Bloc Québécois கட்சியை நிறுவினார்.
தொடர்ச்சியாக 13 தேர்தல்களில் அவர் ஒரே தொகுதியை பிரதிநிதித்துவப்படுத்துகிறார்.
ஓய்வு பெறும் திட்டம் எதுவும் இல்லை எனவும், அடுத்த தேர்தலில் போட்டியிட திட்டமிட்டுள்ளதாகவும் Louis Plamondon கூறுகிறார்.
LJI Reporter ரம்யா சேது
