கனடாவுடனான உறவுகள் பாதிக்கப்பட்டுள்ளதாக அமெரிக்க மேல்சபை உறுப்பினர்கள் கூறுகின்றனர்.
அமெரிக்க ஜனாதிபதி அதிபர் Donald Trump கனடாவுக்கு எதிரான விதித்த வரிகள் கனடாவிற்கு பொருளாதார ரீதியாக பெரும் பாதிப்பை ஏற்படுத்தியுள்ளன.
ஆனாலும் கனடா இதை எவ்வாறு எதிர் கொண்டது என்பது குறித்து தான் அதிகம் கவலை கொள்வதாக Maine மாநில அமெரிக்க மேல்சபை உறுப்பினர் Angus King கூறினார்.
Halifax நகரில் சனிக்கிழமை (22) நடந்த ஒரு சர்வதேச பாதுகாப்பு மாநாட்டில் அவர் இந்தக் கருத்தை தெரிவித்தார்.
உலகம் முழுவதிலுமிருந்து 300-க்கும் மேற்பட்ட பிரதிநிதிகள் கலந்து கொண்ட வருடாந்த Halifax சர்வதேச பாதுகாப்பு மாநாட்டில்
கனடா-அமெரிக்க உறவுகள் குறித்த கேள்விகள் ஒரு விவாதத்தை ஆரம்பித்தது.
கனடியர்களுக்கும் அமெரிக்கர்களுக்கும் இடையே நீடிக்கும் பிளவு, New Brunswick ,Quebec மாகாணங்களை ஒட்டியுள்ள அமெரிக்க மாநிலத்தில் குறிப்பாக சவாலாக உள்ளது என அங்கு உரையாற்றிய Angus King தெரிவித்தார்.
கனடாவும் அமெரிக்காவும் வர்த்தகம் தொடர்பான மோதல்களின் நீண்ட வரலாற்றைக் கொண்ட ஜனநாயக நாடுகளின் பரந்த குடும்பத்தின் ஒரு பகுதியாகும் என்பதை குடியரசுக் கட்சியின் மேல்சபை உறுப்பினர் Thom Tillis நினைவூட்டினார்.
LJI Reporter ரம்யா சேது
