கனடிய பிரதமர் Mark Carney மூன்று நாடுகளுக்கான ஐரோப்பிய பயணம் ஒன்றை ஆரம்பித்துள்ளார்.
வர்த்தகத்தை மேம்படுத்தவும், ரஷ்யா-உக்ரைன் போரை முடிவுக்குக் கொண்டு வரவும் இந்த பயணத்தில் அவர் கவனம் செலுத்தவுள்ளார்.
ஐரோப்பிய நட்பு நாடுகளுடன் பொருளாதார, பாதுகாப்பு உறவுகளை ஆழப்படுத்தும் ஒரு பரந்த பணியை ஆரம்பித்து, Mark Carney போலந்து சென்றடைகிறார்.
அங்கு திங்கட்கிழமை (25) சந்திப்புகளை ஆரம்பிக்கவுள்ள Mark Carney பின்னர் ஜெர்மனி, Latvia ஆகிய நாடுகளுக்கும் பயணிக்க உள்ளார்.
அவர் போலந்து, ஜெர்மனி, Latvia ஆகிய நாடுகளில் தலா ஒரு நாளைக் கழிக்க ஏற்பாடாகியுள்ளது.
கனடாவுக்கும் ஐரோப்பாவுக்கும் இடையில் நெருக்கமான உறவுகளை மேம்படுத்துவது Mark Carney அரசாங்கத்திற்கு முதன்மையான முன்னுரிமை என பிரதமருடன் பயணிக்கும் அரசு அதிகாரிகள் தெரிவித்தனர்.
Mark Carney வியாழக்கிழமை (28) கனடா திரும்ப உள்ளார் என அவரது அலுவலகம் உறுதிப்படுத்தியது.
