பாதுகாப்பு, வர்த்தக உறவுகளை அடிப்படையாகக் கொண்ட புதிய இணக்கத்தில் கனடா ஐரோப்பிய ஒன்றியதுடன் கையெழுத்திட்டது.
இதன் மூலம் ஐரோப்பிய ஒன்றியமும் கனடாவும் திங்கட்கிழமை (23) முதல் புதிய சகாப்தம் ஒன்றை ஆரம்பித்தனர்.
Brussels-சில் நடந்த உச்சி மாநாட்டில் இந்த ஒப்பந்தம் அதிகாரப்பூர்வமாக கையெழுத்தானது.
இந்த ஒப்பந்தம் கனடாவும் ஐரோப்பாவும் பாதுகாப்புத் துறையில் ஒத்துழைக்க உறுதியளிக்கிறது.
தவிரவும் ReArm Europe என அழைக்கப்படும் மிகப்பெரிய புதிய பாதுகாப்பு கொள்முதல் திட்டத்தில் கனடா பங்கேற்பதை நோக்கிய ஒரு படியாகும் இது அமைகிறது.
ஐரோப்பிய ஒன்றிய-கனடா உச்சி மாநாட்டிற்காக பிரதமர் Mark Carney Brussels பயணமாகியிருந்தார்.
“ஒத்த எண்ணம் கொண்ட கூட்டாளிகளுடன் வர்த்தக உறவுகளை உருவாக்கப் போகிறோம்,” என இந்த உச்சி மாநாட்டின் பின்னர் நடைபெற்ற ஒரு செய்தியாளர் சந்திப்பில் Mark Carney கூறினார்.
