Conservative கட்சித் தலைவராக Pierre Poilievre நீடிப்பார் என கட்சியின் முன்னாள் தலைவர் Andrew Scheer தெரிவித்தார்.
நடைபெற்று முடிந்த தேர்தலில் Conservative ஆட்சியமைக்கும் சந்தர்ப்பத்தை தவற விட்டது.
கட்சித் தலைவர் Pierre Poilievre தனது சொத்து தொகுதியில் தோல்வியடைந்தார்.
இந்த நிலையில் அவரது தலைமை குறித்த கேள்விகள் எழுந்துள்ளன.
ஆனாலும் Pierre Poilievre தொடந்து கட்சித் தலைவராக நீடிப்பார் என முன்னாள் தலைவரும் Saskatchewan நாடாளுமன்ற உறுப்பினருமான Andrew Scheer கூறினார்.
மத்திய, மாகாண Conservative கட்சிகளுக்கு இடையிலான வெளிப்படையான பிளவின் பின்னணியில் இந்தக கருத்து வெளியாகியுள்ளது.
நாடாளுமன்றத்தில் தனது ஆசனைத்தை இழந்தது குறித்து இதுவரை பகிரங்கமாக கருத்து தெரிவிக்கவில்லை.
ஆனாலும் கட்சி உறுப்பினர்கள் Pierre Poilievre மீண்டும் நாடாளுமன்றத்தில் இடம் பிடிப்பதை விரும்புவதால், அவர் “ஒரு ஆசனத்தைப் பெறுவார்” என Conservative பிரச்சார பிரிவு தெரிவித்தது.
ஆனால் மற்றொரு “ஆசனத்தைப் பெறுவதற்கான” செயல்முறைக்கு பல மாதங்கள் எடுக்கலாம் என்பதும், தெரிவு செய்யப்பட்ட ஒரு Conservative நாடாளுமன்ற உறுப்பினர் பதவி விலகி, மத்திய அரசாங்கம் இடைத்தேர்தலுக்கு அழைப்பு விடுத்து அதில் Pierre Poilievre வெற்றி பெறவேண்டும் வேண்டும் என்பது குறிப்பிடத்தக்கது.
கனடிய தேர்தல் திணைக்கள தரவுகளின் பிரகாரம், Conservative கட்சி இந்த வார தேர்தலில் 8,086,051 வாக்குகளைப் பெற்றுள்ளது.
இது பதிவான வாக்குகளில் 41.3 சதவீத வாக்குகளாகும்.
