புதிய எரிசக்தி ஒத்துழைப்பு ஒப்பந்தத்தில் கனடிய மத்திய அரசாங்கமும், Alberta மாகாண அரசும் கையெழுத்திட்டன.
பிரதமர் Mark Carney, Alberta முதல்வர் Danielle Smith ஆகியோர் இந்த ஒத்துழைப்பு ஒப்பந்தத்தில் கையெழுத்திட்டனர்.
வியாழக்கிழமை (27) கையெழுத்தான புதிய புரிந்துணர்வு ஒப்பந்தம் British Columbia வழியாக எண்ணெய் குழாய் பாதைக்கு வழி வகுக்கிறது.
இந்த ஒப்பந்தம் Alberta மாகாணத்திற்கு மத்திய சுற்றுச்சூழல் சட்டங்களிலிருந்து சிறப்பு விலக்குகளை வழங்குவதுடன் அரசியல் ஆதரவையும் உறுதிப்படுத்துகிறது.
இந்த ஒப்பந்தம் மத்திய மாகாண அரசாங்கங்களுக்கிடையேயான உறவுகளில் வரலாற்று ரீதியான மறுசீரமைப்பைக் குறிக்கிறது.
அதேவேளை British Columbia அரசாங்கம் இந்த குழாய் ஒப்பந்தத்தை எதிர்க்கிறது இங்கு குறிப்பிடத்தக்கது.
புதிய எண்ணெய் குழாய் பாதைக்கு ஒப்புதல் அளிப்பதை British Columbia முதல்வர் David Eby கடுமையாக எதிர்த்துள்ளார்.
மேலும் முன்மொழியப்பட்ட குழாய்வழி திட்டப் பேச்சுவார்த்தைகளில் இருந்து தனது மாகாணம் விலக்கப்பட்டிருப்பது ஏற்றுக்கொள்ள முடியாதது எனவும் அவர் கூறியுள்ளார்.
LJI Reporter ரம்யா சேது
