பிரதமர் Mark Carney அமைச்சரவையில் இருந்து Steven Guilbeault விலகியுள்ளார்.
Alberta மாகாணத்துடன் மத்திய Liberal அரசாங்கத்தின் புதிய எரிசக்தி ஒப்பந்தத்திற்கு தனது கடுமையான எதிர்ப்பை வெளிப்படுத்தும் வகையில் இந்த பதவி விலகல் முடிவை Steven Guilbeault எடுத்துள்ளார்.
புதிய எரிசக்தி ஒத்துழைப்பு ஒப்பந்தத்தில் கனடிய மத்திய அரசாங்கமும், Alberta மாகாண அரசும் கையெழுத்திட்டன.
பிரதமர் Mark Carney, Alberta முதல்வர் Danielle Smith ஆகியோர் இந்த ஒத்துழைப்பு ஒப்பந்தத்தில் கையெழுத்திட்டனர்.
வியாழக்கிழமை (27) கையெழுத்தான புதிய புரிந்துணர்வு ஒப்பந்தம் British Columbia வழியாக எண்ணெய் குழாய் பாதைக்கு வழி வகுக்கிறது.
இந்த ஒப்பந்தத்தில் Mark Carney கையெழுத்திட்ட சில மணிநேரங்களுக்கு பின்னர் இந்த பதவி விலகல் அறிவித்தல் வெளியானது.
இந்த ஒப்பந்தம் மூலம் Mark Carney காலநிலை திட்டங்களை கலைத்துள்ளதாக Steven Guilbeault குற்றம் சாட்டினார்.
வியாழன் பிற்பகல் தனது முடிவை பிரதமரிடம் தெரிவித்ததாக இணையத்தில் வெளியிடப்பட்ட ஒரு நீண்ட அறிக்கையில், Steven Guilbeault குறிப்பிட்டார்.
பிரதமரின் Quebec lieutenant என்ற தனது முக்கிய அரசியல் பதவியிலிருந்து விலகுவதாக அந்த அறிக்கையில் Steven Guilbeault குறிப்பிட்டார்.
இந்த பதவி விலகலை பிரதமர் Mark Carney உறுதிப்படுத்தினார்.
ஆனாலும் Steven Guilbeault தொடர்ந்து Liberal நாடாளுமன்ற உறுப்பினராக பதவி வகிப்பார் என பிரதமர் குறிப்பிட்டார்.
Alberta முதல்வருக்கும் Steven Guilbeault-க்கும் இடையிலான பதற்றம் தற்போதைய பிரதமருக்கு முன்னர் இருந்து தொடர்கிறது.
Steven Guilbeault-ருடன் இணைந்து பணியாற்ற முடியாது எனக் கூறி அவரை சுற்றுச்சூழல் அமைச்சர் பதவியில் இருந்து மாற்றுமாறு Alberta முதல்வர், முன்னாள் பிரதமர் Justin Trudeau-விடம் அழைப்பு விடுத்திருந்தார்.
2019 -ஆம் ஆண்டு முதன் முதலில் நாடாளுமன்றத்திற்கு தேர்ந்தெடுக்கப்பட்ட Steven Guilbeault, பிரதமர் Justin Trudeau தலைமையிலும் பின்னர் Mark Carney தலைமையிலும் பல அமைச்சு பதவிகளை வகித்துள்ளார்.
LJI Reporter ரம்யா சேது
