Ontario மாகாணத்தின் Bancroft பகுதியில் உள்ள ஏரியில் மூழ்கி தமிழ் இளைஞர் உயிரிழந்தார்.
பலியானவர் Scarborough-வை சேர்ந்த 19 வயதான ரதூஷன் ராஜ்குமார் என குடும்பத்தினர் அடையாளம் காட்டியுள்ளனர்.
இவர் Toronto பல்கலைக்கழகத்தின் இரண்டாம் ஆண்டு மாணவர் என தெரியவருகிறது.
ஆண் ஒருவர் Bancroft பகுதியில் நீர்நிலைகளில் மூழ்கி இறந்ததாகக் கூறப்படுவது குறித்து விசாரணை நடந்து வருவதாக காவல்துறையினர் தெரிவித்தனர்.
Peterborough நகரிலிருந்து வடகிழக்கே 115 கிலோமீட்டர் தூரத்தில் உள்ள Faraday Lake-கில் இந்த சம்பவம் நிகழ்ந்தது.
திங்கட்கிழமை (28) காலை 10.30 மணியளவில் படகு ஒன்று கவிழ்ந்த சம்பவம் குறித்து சம்பவ இடத்திற்கு சென்றதாக Ontario மாகாண காவல்துறை தெரிவித்தது.
படகில் இருந்த இரண்டு ஆண்கள் பாதுகாப்பாக கரை சேர்ந்ததாகவும் ஒருவர் நீரில் விழுந்து மூழ்கியதாக சந்தேகப்பட்டதாகவும் அவசர உதவி குழுவினர் தெரிவித்தனர்.
நீருக்கடியில் தேடும் மீட்பு பிரிவினர் ஒரு உடலைக் கண்டுபிடித்து, அது படகின் மூன்றாவது பயணி என்பதை உறுதிப்படுத்தினர்.
இந்தச் சம்பவத்தின் போது அவர் உயிர்க்காப்பு அங்கி (life jacket) அணிந்திருக்கவில்லை என OPP தெரிவித்தது.
இந்தச் சம்பவம் குறித்த விசாரணைகள் தொடர்கின்றன.
