பொதுத் தேர்தலுக்கான பிரதான அரசியல் கட்சித் தலைவர்களின் விவாதத்திற்கு கட்சித் தலைவர்கள் தயாராகி வருகின்றனர்.
ஆங்கிலம், பிரெஞ்சு மொழியில் இரண்டு உத்தியோகபூர்வ தேர்தல் விவாதங்கள் இந்த வாரம் நடைபெறுகின்றன.
இந்த தலைவர்களின் விவாதங்களில் பங்கேற்க ஐந்து முன்னணி அரசியல் கட்சிகள் தகுதி பெற்றுள்ளன.
Liberal தலைவர் Mark Carney, Conservative தலைவர் Pierre Poilievre, NDP தலைவர் Jagmeet Singh, Bloc Quebecois தலைவர் Yves-Francois Blanchet , பசுமைக் கட்சியின் இணைத் தலைவர் Jonathan Pedneault ஆகியோர் இந்த விவாதங்களில் பங்கேற்க தகுதி பெற்றுள்ளனர்.
இந்தக் கட்சிகள் ஒவ்வொன்றும் கடந்த மாதம் தேர்தல் அறிவிக்கப்பட்ட போது நிர்ணயிக்கப்பட்ட மூன்று அளவு கோல்களில் இரண்டை பூர்த்தி செய்ததாக சுயாதீன தலைவர்களின் விவாத ஆணையம் தெரிவித்துள்ளது.
கனடா மக்கள் கட்சி (People’s Party of Canada) இந்த அளவு கோல்களில் ஒன்றை மட்டுமே பூர்த்தி செய்த நிலையில் தேர்தலில் பங்கேற்ற தகுதி பெறவில்லை என ஆணையம் கூறியது.
பிரெஞ்சு மொழியில் ஒன்று, ஆங்கிலத்தில் ஒன்று என முறையே புதன் (16) வியாழக்கிழமைகளில் (17) இந்த விவாதங்கள் நடைபெறவுள்ளன.
இந்த விவாதங்களை தலைவர்கள் விவாத ஆணையம் என்ற சுயாதீன அமைப்பு நடத்துகிறது.
