பிரதமரின் தலைமைப் பணியாளர் பதவியில் இருந்து Marco Mendicino விலகுகிறார்.
Marco Mendicino விரைவில் பிரதமர் அலுவலகத்தில் (PMO) வகிக்கும் தனது பதவியை விட்டு விலகுவார் என வியாழக்கிழமை (22) வெளியிடப்பட்ட அறிக்கையில் தெரிவிக்கப்பட்டுள்ளது.
Mark Carney தலைமையிலான Liberal அரசாங்கம் அடுத்த வாரம் தனது சிம்மாசன உரைக்கு தயாராகி வரும் நிலையில் இந்த அறிவித்தல் வெளியானது.
கோடை காலம் முடிவடையும் வரை அவர் தொடர்ந்து தனது பதவியில் இருப்பார் என் பிரதமர் Mark Carney கூறினார்.
புதிய அரசில் பிரதமர் அலுவலகத்தில் மாற்றத்தை வழிநடத்தும் வகையில் கோடை காலம் முடிவடையும் வரை பதவியில் இருக்க Marco Mendicino இணங்கியுள்ளார்.
கடந்த March மாதத்தில் Liberal தலைமையை Mark Carney வெற்றி பெற்று பிரதமர் பதவியை ஏற்றுக்கொண்ட காலத்தில் பிரதமர் அலுவலகத்தில் இடைக்கால தலைமைப் பணியாளராக Marco Mendicino நியமிக்கப்பட்டார்.
எதிர்க்கட்சிகள் இந்த நியமனத்தை கடுமையாக விமர்சித்தன.
Marco Mendicino-வின் தீவிர இஸ்ரேல் ஆதரவு நிலைப்பாட்டை NDP கடுமையாக விமர்சித்தது.
Justin Trudeau அரசாங்கத்தில் அவரது கடந்த கால நகர்வுகளை Conservative விமர்சித்தது.
2015 ஆம் ஆண்டு முதல் பிரதிநிதித்துவப்படுத்திய Eglinton-Lawrence தொகுதியில் மீண்டும் தேர்தலில் போட்டியிட போவதில்லை என கடந்த January மாதம் Marco Mendicino அறிவித்திருந்தார்.
பல அமைச்சுப் பதவிகளை வகித்த Marco Mendicino, அடுத்த நகரசபை தேர்தலில் Toronto நகரபிதா பதவிக்கு போட்டியிடுவார் என பரவலாக எதிர்பார்க்கப்படுகிறது.
