அமெரிக்காவின் உலகளாவிய வர்த்தக நடவடிக்கை அச்சுறுத்தல் குறித்து கனடிய பிரதமர் ஐரோப்பிய ஆணையத்தின் தலைவருடன் உரையாடினார்.
பிரதமர் Mark Carney ஐரோப்பிய ஆணையத்தின் தலைவர் Ursula von der Leyen ஆகியோர் வியாழக்கிழமை (10) உரையாடினர்.
கனடிய பிரதமர் அலுவலகம் இந்தத் தகவலை உறுதிப்படுத்தியது.
அமெரிக்கா ஜனாதிபதியினால் விதிக்கப்படும் வரிகள், Donald Trump முன்னெடுக்கும் நியாயப்படுத்தப்படாத உலகளாவிய வர்த்தக நடவடிக்கைகளின் அச்சுறுத்தல் குறித்து இருவரும் விவாதித்தனர்.
இருதரப்பு பொருளாதார உறவுகளை வலுப்படுத்துவது குறித்தும் அவர்கள் இருவரும் உரையாடியதாக பிரதமர் அலுவலகம் உறுதிப்படுத்தியது.
கனடிய பொருளாதாரத்தை பாதுகாக்கும் வகையில் கனடாவை இலக்கு வைக்கும் வரிகளை எதிர்த்துப் போராட உத்தேசித்துள்ள வழிமுறைகள் குறித்து இந்த உரையாடலில் விளக்கினார்.
இந்த நிலையில் சர்வதேச வர்த்தக முறையை அடிப்படையில் மறுசீரமைக்க ஜனாதிபதி முனைகிறார் என Toronto பெரும்பாகத்தில் நிகழ்ந்த ஒரு பிரச்சார நிகழ்வில் கூறினார்.
அமெரிக்க ஜனாதிபதி Donald Trump-பின் அதிகரித்து வரும் உலகளாவிய வர்த்தகப் போரைச் சமாளிக்க பிரதமர் Mark Carney தனது தேர்தல் பிரச்சாரத்தை மூன்றாவது முறையாக இடைநிறுத்துகிறார்.
கனடா-அமெரிக்கா தொடர்பான அமைச்சரவை குழுவின் கூட்டத்தைக் அவர் வெள்ளிக்கிழமை (12) கூட்டவுள்ளார்.
