Windsor-Tecumseh-Lakeshore தொகுதியின் Conservative வேட்பாளர் Mark McKenzie கட்சியினால் விலக்கப்பட்டார்.
இந்தத் தகவலை Conservative கட்சியின் பிரச்சார செய்தித் தொடர்பாளர் செவ்வாய்க்கிழமை (01) உறுதிப்படுத்தினார்.
முன்னாள் பிரதமர் Justin Trudeau-வுக்கு மரண தண்டனை விதிக்கப்பட வேண்டும் என ஒரு காலத்தில் இவர் கருத்து தெரிவித்தார் என்பது குறிப்பிடத்தக்கது.
இந்தக் கருத்துக்கள் ஏற்றுக்கொள்ள முடியாதவை என கட்சியின் பிரச்சார செய்தித் தொடர்பாளர் தெரிவித்தார்.
Windsor நகரசபை உறுப்பினரான Mark McKenzie, Windsor-Tecumseh-Lakeshore தொகுதியின் Conservative வேட்பாளராக போட்டியிட இருந்தார்.
2022 ஆம் ஆண்டில், “Mark and Chris Podcast” நிகழ்ச்சியில் அவர் சர்ச்சைக்குரிய இந்த கருத்துகளை தெரிவித்திருந்தார்.
கடந்த வார இறுதியில், அவர் Conservative கட்சி சார்பில் போட்டியிடுவதற்கான தனது பிரச்சாரத்தை Mark McKenzie அதிகாரப்பூர்வமாக ஆரம்பித்தார் என்பது குறிப்பிடத்தக்கது.
