கோடை காலத்தின் இறுதிக்குள் பெரும் அமைச்சரவை மாற்றம் ஒன்றை பிரதமர் Justin Trudeau அறிவிப்பார் என ஊகங்கள் வெளியாகியுள்ளன.
இங்கிலாந்து வங்கியின் முன்னாள் ஆளுநர் Mark Carneyயை அரசியலுக்கு அழைத்து வரும் முயற்சியில் பிரதமர் Justin Trudeau ஈடுபட்டுள்ளதாக செய்திகள் வெளியான நிலையில் அமைச்சரவை மாற்றம் குறித்த ஊகங்கள் வெளியாகியுள்ளன.
அரசியலில் ஈடுபடுவது குறித்து Mark Carneyயுடன் பேசி வருவதை Justin Trudeau அண்மையில் உறுதிப்படுத்தினார்.
நிதி அமைச்சில் Chrystia Freelandடிற்கு பதிலாக Mark Carneyயை நியமிப்பது குறித்த உரையாடல்கள் நிகழ்வதாக செய்தி வெளியானது.
துணை பிரதமருக்கும், பிரதமர் அலுவலகத்துக்கும் இடையிலான உறவில் விரிசல் ஏற்பட்டுள்ளதாகவும் செய்தி வெளியானது குறிப்பிடத்தக்கது.
இவை அனைத்தும் ஒரு அரசியல் புத்துணர்ச்சியை ஏற்படுத்த பிரதமர் எதிர்கொள்ளும் அழுத்தத்துடன் தொடர்புடையதாக கூறப்படுகிறது.
