அமெரிக்காவுக்கு எதிராக சீனாவை பயன்படுத்துகிறீர்களா என கனடிய பிரதமரிடம் அமெரிக்க ஜனாதிபதியின் மூத்த வர்த்தக ஆலோசகர் கேள்வி எழுப்பினார்.
அமெரிக்காவுடனான வர்த்தக பேச்சுவார்த்தைகள் தோல்வியடைந்தால் கனடிய வாகனத் துறையைப் பாதுகாக்கச் சீன வாகன உற்பத்தியாளர்களை நாட நேரிடும் என Mark Carney எச்சரித்திருந்தார்.
இந்த நிலையில் அமெரிக்க ஜனாதிபதியின் மூத்த வர்த்தக ஆலோசகர் Peter Navarro மிகக் கடுமையான வார்த்தைகளால் கனடிய பிரதமரை சாடியுள்ளார்.
அமெரிக்காவுக்கு எதிராக சீனாவைப் பகடைக்காயாகப் பயன்படுத்துவது மிகவும் புண்படுத்தகூடிய செயல் என அவர் குறிப்பிட்டார்.
X சமூக வலைதளத்தில் Peter Navarro இந்த குறிப்பை வெளியிட்டார்.
இந்தப் பதிவைக் கனடாவுக்கான அமெரிக்கத் தூதர் Pete Hoekstra மீளப் பகிர்ந்துள்ளார்.
